ప్రధాని కావాలన్న కాంక్ష లేదు
Published Tuesday, 7 June 2016పాట్నా, జూన్ 6: ప్రధాన మంత్రి పీఠాన్ని అధిష్ఠించాలని తాను ఎన్నడూ ఆశించలేదని బిహార్ ముఖ్యమంత్రి నితీశ్ కుమార్ తెలిపారు. వచ్చే సార్వత్రిక ఎన్నికల్లో నితీశ్ బిజెపి యేతర కూటమి తరఫున ప్రధాన మంత్రి అభ్యర్థిగా బరిలోకి దిగుతారని జోరుగా ఊహాగానాలు వినిపిస్తున్న నేపథ్యంలో ఆయన ఈ విషయాన్ని స్పష్టం చేశారు. పాట్నాలో సోమవారం ఆయన ‘సూపర్-30’ వ్యవస్థాపకుడు ఆనంద్ కుమార్ జీవిత చరిత్ర ఆవిష్కరణ కార్యక్రమంలో మాట్లాడుతూ, జీవిత కాలంలో కనీసం ఒక్కసారైనా పార్లమెంట్ సభ్యుడిని కావాలని ఆశిస్తున్నానని, అంతేతప్ప మంత్రినో, ముఖ్యమంత్రినో లేక ప్రధాన మంత్రినో కావాలని తాను ఎన్నడూ కలగనలేదని చెప్పారు.