జిల్లాకో లెక్కుంది!
Published Tuesday, 7 June 2016హైదరాబాద్, జూన్ 6: కొత్త జిల్లాల ఏర్పాటుపై ప్రభుత్వం వడివడిగా అడుగులు వేస్తోంది. రెండు రెవిన్యూ డివిజన్లు, 20 మండలాలకు ఒకటి చొప్పున కొత్త జిల్లాల ఏర్పాటుకు ప్రామాణికంగా తీసుకోవడంతోపాటు జిల్లా కేంద్రానికి 60 కిలోమీటర్లకు మించకుండా విస్తీర్ణం ఉండాలని ప్రభుత్వం భావిస్తోంది. అలాగే ప్రస్తుతం ఉన్న 119 శాసనసభ నియోజకవర్గాల సంఖ్య భవిష్యత్లో 153 నియోజకవర్గాలకు పెరుగనున్న దృష్ట్యా వాటిని కూడా దృష్టిలో పెట్టుకుని కొత్త జిల్లాల ప్రతిపాదనలు తయారు చేయాలని ఇప్పటికే భూ పరిపాలన కమిషనర్కు ముఖ్యమంత్రి సూచనలు చేశారు.