S ,7 à 8 RSCA (si SASPAS) et 6 cialis pharmacie cialis rapports de stage.
సంపాదకీయం
నమాతుః పర దైవతమ్ - అన్నది సనాతన జాతీయ సంస్కృతికి వౌలికమైన ప్రాతిపదిక. తల్లిని మించిన పరమ దేవత లేదు. పరమ దేవుడు లేడు. మాతాభూమిః పుత్రోహం పృథివ్యాః - తల్లి భూమి, నేను ఆమెకు బిడ్డను - అన్న వేద భూమికపై సృష్ట్యాది మన జాతీయత వికసించింది, అనంతంగా వికసిస్తూనే ఉంటుంది. అందువల్లనే మన భరతజాతి లేదా హైందవజాతి సనాతన జాతి అయింది. సనాతనం2అని అంటే ఆది, ఆంతము లేనిదని అర్థం!
రాజ్యాంగ ప్రక్రియను పరిరక్షించి పరిపోషించవలసిన ఉన్నత న్యాయమూర్తులు కొందరు రాజ్యాంగ విరుద్ధ ప్రవర్తనకు ఒడిగడుతున్నారన్నది ధ్రువపడిన వాస్తవం. కలకత్తా ఉన్నత న్యాయమూర్తి చిన్నస్వామి స్వామినాథన్ కర్ణన్ అనేక నెలలుగా ఇలా రాజ్యాంగ విరుద్ధ ప్రవర్తనకు ఒడిగడుతున్నాడన్నది సర్వోన్నత న్యాయస్థానం గుర్తించిన అభియోగం!
శశికళ మహిళా‘శకుని’లా మంత్రాంగం నడుపుతుండడం తమిళ రాజకీయ రంగస్థలిపై ఆవిష్కృతవౌతున్న వికృత దృశ్యం! ఏనాడూ ఎన్నికల్లో పోటీ చేయని ఈ నవలామణి దివంగత ముఖ్యమంత్రి జయలలితకున్న ప్రజాభిమానాన్ని దురుపయోగించి ముఖ్యమంత్రి పీఠాన్ని అధిరోహించడానికి నిచ్చెన వేసింది. ఇదే వ్యూహంతో ఆమె అన్నా డిఎంకె పార్టీ ప్రధాన కార్యదర్శి పదవిని చేజిక్కించుకుంది.
గుడి మాన్యాలను సంప్రదాయేతర కలాపాలకు మ ళ్లించే ప్రయత్నాలను హైదరాబాద్ ఉన్నత న్యా యస్థానం నియంత్రించడం ముదావహం. నోరులేని దేవుడి భూములను నోరున్నవారు, నోటిలో కోరలున్నవారు కాజేస్తుండడం ఉభయ తెలుగు రాష్ట్రాలలోనే కాదు దేశమంతటా కొనసాగుతున్న వైపరీత్యం! ఈ వైపరీత్యం ఇక సాగరాదన్నది బుధవారం ఉన్నత న్యాయస్థానం తాత్కాలిక ప్రధాన న్యాయమూర్తి రమేశ్ రంగనాథన్, షమీమ్ అక్తర్ జారీ చేసిన తత్కాల ఆదేశాల సారాంశం.
ఉగ్రవాద సంబంధ సమాంతర పరిణామాల మధ్య రెండు వైపరీత్యాలు స్ఫురిస్తున్నాయి. మన దేశానికి వ్యతిరేకంగా కొనసాగుతున్న జిహాదీ బీభత్సకాండను చైనా ప్రభుత్వం ప్రోత్సహించడం మొదటి వైపరీత్యం. జిహాదీ మతోన్మాద హత్యాకాండ పట్ల అత్యధిక ‘ఇస్లాం మత ప్రభుత్వ దేశాలు’- ఇస్లామిక్ స్టేట్స్- ద్వంద్వనీతిని పాటిస్తుండడం రెండవ వైపరీత్యం.
ప్రపంచీకరణకు, మాతృభూమికి మధ్య పోరాటం కొ నసాగుతుండడం నడుస్తున్న చరిత్ర. బహుళ జా తీయ వాణిజ్య సంస్థలు మన వ్యవసాయ భూమిని బొక్కేస్తున్నాయి, అటవీ సీమలను ఆక్రమిస్తున్నాయి, పచ్చదనాన్ని పాడు చేస్తున్నాయి. హరిత రక్షణకు ఆర్భాటంగా కార్యక్రమాలను అమలుచేస్తున్న ప్రభుత్వాలు హరిత విధ్వంసక కలాపాలను సైతం సమాంతరంగా కొనసాగిస్తుండడం భారతీయతపై ప్రపంచీకరణ సాధించిన ఆధిపత్యానికి సాక్ష్యం.
ఒకరు కాదు, ఇద్దరు కాదు.. ప్రభుత్వరంగ బ్యాంకులకు చెందిన నూట యాబయి ఆరుగురు ఉన్నత అధికారులు తాత్కాలికంగా తొలగింపునకు గురయ్యారట! మరో నలబయి ఒక్కరు బదిలీలకు గురయ్యారట! వీరందరూ ఘరానా అవినీతిపరులన్న ఆరోపణలు ఈ తొలగింపు- సస్పెన్షన్-లకు, బదిలీలకు ప్రాతిపదిక. ‘శతకోటి దారిద్య్రాలకు అనంతకోటి ఉపాయాలు’ అన్న సామెతను మార్చి వ్రాసుకోవలసి రావడానికి హేతుభూతులు ఈ ఘరానా బ్యాంకు అధికారులు!
తమిళనాడు ముఖ్యమంత్రిగా వి.కె.శశికళా నటరాజన్ అనే ‘చిన్నమ్మ’ ఎంపిక కావడం వేగవంతంగా సంభవించిన పరిణామక్రమానికి పరాకాష్ఠ. ఇది ఊహించని పరిణామ పరంపర.. ఊహించిన పరిణామ పరంపర కూడ! ‘చిన్నమ్మ’ అనే పేరు ఒకటి ఉందని కూడా దాదాపు రెండునెలల క్రితం వరకూ ఎవరికీ తెలీదు. దివంగత తమిళనాడు ముఖ్యమంత్రి జె.జయలలితకు అత్యంత సన్నిహితురాలైన శశికళకు ‘చిన్నమ్మ’ అనే బిరుదు నామం హఠాత్తుగా ఏర్పడడం ఊహించని పరిణామం!
కేంద్రీయ ఉన్నత విద్యామండలి- సెంట్రల్ బోర్డ్ ఆఫ్ సెకండరీ ఎడ్యుకేషన్- సిబిఎస్‌ఇ- వారు అమలు జరుపతలపెట్టిన ‘నూతన త్రిభాషా బోధన’ విధానం 2020 వరకూ వేచి ఉండాలట! 2014 మే నెలలో నరేంద్ర మోదీ ప్రధానమంత్రిత్వంలోని భాజపా ప్రభుత్వం పాలనా బాధ్యతలు స్వీకరించాక విద్యారంగంలో తలపెట్టిన మార్పులలో ఈ ‘త్రిభాషా బోధన’ ప్రధానమైనది.
జమ్మూ కశ్మీర్ శాసనసభలో మరోసారి కొట్లాట జరిగింది. ఇలా కొట్లాటలు జరగడం జమ్మూ కశ్మీర్ చరిత్రలో కొత్తకాదు. సభ్యులు పరస్పరం కొట్టుకోవడం ఆశ్చర్యం కాదు. బుధవారం సభలో జరిగిన ఈ కొట్లాటలో ఒక సభ్యుడు గాయపడ్డాడట. పరిస్థితిని అదుపు చేసేందుకు స్పీకర్ కవీందర్ గుప్తా శాసనసభను నిరవధికంగా వాయిదా వేసాడు. సభను కొద్దిసేపు కానీ, మరుసటిరోజుకు కానీ వాయిదా వేయడం వల్ల పరిస్థితిని అదుపుచేసి వుండవచ్చును.