విశాఖపట్నం, డిసెంబర్ 24: జాతీయ జట్టులో టెస్టు ఓపెనర్‌గా ప్రధాన భూమిక పోషిస్తున్న లోకేష్ రాహుల్, ఇంగ్లాండ్‌తో జరిగిన చివరి టెస్టులో ఏకంగా ట్రిపుల్ సెంచరీతో అదరగొట్టిన కరుణ్ నాయర్ వంటి ఆటగాళ్లు ఉన్న కర్నాటక జట్టు ఇక్కడ జరిగిన రంజీ ట్రోఫీ క్వార్టర్ ఫైనల్‌లో చిత్తయింది. నాలుగు రోజుల ఈ మ్యాచ్‌ని కేవలం రెండు రోజుల్లోనే ముగించిన తమిళనాడు సెమీస్‌కు దూసుకెళ్లింది.

లాసనే్న, డిసెంబర్ 24: సోచీ వింటర్ ఒలింపిక్స్‌లో నకిలీ డోప్ శాంపిల్స్ ఆరోపణలపై అంతర్జాతీయ ఒలింపిక్ మండలి (ఐఒసి) విచారణను ముమ్మరం చేసింది. మొత్తం 28 మంది రష్యన్లను ఇప్పటికే దోషులుగా తేల్చింది. వీరిపై విచారణ కొనసాగుతున్నదని ఐఒసి ప్రకటించింది.

పోర్ట్ ఎలిజబెత్, డిసెంబర్ 24: అద్భుతమైన ఫామ్‌లో ఉన్న దక్షిణాఫ్రికాపై సోమవారం నుంచి ప్రారంభం కానున్న మొదటి టెస్టులో శ్రీలంక కఠిన పరీక్ష ఎదుర్కోవడం ఖాయంగా కనిపిస్తున్నది. మూడు మ్యాచ్‌ల టెస్టు సిరీస్‌లో లంక ‘అండర్ డాగ్’ ముద్రతో బరిలోకి దిగుతున్నది.

టోక్యో, డిసెంబర్ 24: జపాన్ ఒకవైపు 2020 ఒలింపిక్స్‌కు సిద్ధమవుతుండగా, అక్కడి ప్రభుత్వం బడ్జెట్‌లో కోత పెట్టింది. మొత్తం 17 బిలియన్ డాలర్ల కంటే ఎక్కువ మొత్తాన్ని ఖర్చు చేయడానికి వీల్లేదని ఒలింపిక్ నిర్వాహణ కమిటీ (ఒసి)ని ఆదేశించింది. బ్రెజిల్ ఆర్థిక సంక్షోభంలో కూరుకుపోయిన తరుణంలో అక్కడ ఒలింపిక్స్‌ను నిర్వహించడంతో నానా గందరగోళ పరిస్థితులు నెలకొన్న విషయం తెలిసిందే.