న్యూఢిల్లీ: ఐఒఎ అధ్యక్షుడు రామచంద్రన్‌పై విమర్శలు వెల్లువెత్తుతున్నాయి. కుంభకోణాల్లో అతనికి ఎలాంటి పాత్ర లేకపోయినప్పటికీ, సురేష్ కల్మాడీ, అభయ్ సింగ్ చౌతాలాలను జీవితకాల అధ్యక్షులుగా ఎన్నుకోవడం వెనుక అతని మాస్టర్ ప్లాన్ బలంగా పని చేసిందన్న అభిప్రాయం వ్యక్తమవుతున్నది. దోషులుగా కోర్టు ప్రాథమికంగా నిర్ధారించిన వారిని ఏ విధంగా ఎంపిక చేస్తారంటూ రామచంద్రన్‌పై పలువురు విమర్శనాస్త్రాలు సంధిస్తున్నారు.

న్యూఢిల్లీ: తనకు లభించిన ఐఒఎ జీవితకాల అధ్యక్ష పదవిని ఐఒసి వద్దంటే, వెంటనే దానిని వదులుకుంటానని కల్మాడీతోపాటు ఆ హోదాను పొందిన అభయ్ సింగ్ చౌతాలా ప్రకటించాడు. అవినీతి, ఆశ్రీత పక్షపాతం, నిధుల దుర్వినియోగం వంటి పలు ఆరోపణలు కల్మాడీ, చౌతాలాపై ఉన్నాయి. న్యూఢిల్లీలో కామనె్వల్త్ గేమ్స్ సమయంలో చోటు చేసుకున్న అవినీతి కుంభకోణంలో కల్మాడీ జైలు జీవితాన్ని కూడా అనుభవించాడు.

మెల్బోర్న్, డిసెంబర్ 28: ఓపెనర్ డేవిడ్ వార్నర్ సెంచరీ చేయడంతో, పాకిస్తాన్‌తో జరుగుతున్న రెండో టెస్టు మ్యాచ్‌లో ఆస్ట్రేలియా ఎదురుదాడిని కొనసాగిస్తున్నది. అంతకు ముందు పాకిస్తాన్ 9 వికెట్లకు 443 పరుగుల భారీ స్కోరువద్ద మొదటి ఇన్నింగ్స్‌ను డిక్లేర్ చేసింది. రెండో రోజు ఆటలో సెంచరీ చేసి నాటౌట్‌గా ఉన్న ఓపెనర్ అజర్ అలీ డబుల్ సెంచరీ పూర్తి చేశాడు.

పోర్ట్ ఎలిజబెత్, డిసెంబర్ 28: శ్రీలంకతో జరుగుతున్న మొదటి టెస్టు మ్యాచ్ తొలి ఇన్నింగ్స్‌లో దక్షిణాఫ్రికాకు 81 పరుగుల స్వల్ప ఆధిక్యం లభించింది. దక్షిణాఫ్రికా మొదటి ఇన్నింగ్స్‌లో 286 పరుగులకు ఆలౌట్‌కాగా, అనంతరం బ్యాటింగ్‌కు దిగిన శ్రీలంక మ్యాచ్ రెండో రోజు, మంగళవారం ఆట ముగిసే సమయానికి ఏడు వికెట్లకు 181 పరుగులు చేసింది. ఈ ఓవర్‌నైట్ స్కోరుతో బుధవారం ఉదయం ఆటను కొనసాగించి 205 పరుగులకు ఆలౌటైంది.