విశాఖపట్నం (స్పోర్ట్స్): విశాఖ పిచ్ ప్రత్యేకంగా టెస్ట్ మ్యాచ్ నిమిత్తం తయారు చేసిన వికెట్ అని, బ్యాటింగ్, బౌలింగ్‌కు సమానంగా పిచ్ సహకరిస్తుందని పిచ్ క్యూరేటర్ మల్లయ్య తెలిపాడు. స్టేడియంలో ఉన్న తొమ్మిది పిచ్‌లలో నాలుగో పిచ్‌ను ఈ మ్యాచ్ కోసం వినియోగిస్తున్నామని చెప్పాడు.

హోబర్ట్: దక్షిణాఫ్రికా చేతిలో వరుసగా రెండో టెస్టును కూడా కోల్పోయిన ఆస్ట్రేలియా జట్టుపై కోచ్ డారెన్ లీమన్ తీవ్ర అసంతృప్తి వ్యక్తం చేశాడు. ప్రస్తుత జట్టులోని కేవలం నలుగురి స్థానం మాత్రమే పదిలంగా ఉంటుందని, మిగతా వారి గురించి తాను ఏమీ చెప్పలేనని అతను ఒక ఇంటర్వ్యూలో వ్యాఖ్యానించాడు. ఆస్ట్రేలియా కేవలం 20 ఓవర్ల వ్యవధిలో, 32 పరుగులకే ఎనిమిది వికెట్లు కోల్పోవడం లీమన్‌ను ఆందోళనకు గురి చేస్తున్నది.

విజయవాడ (స్పోర్ట్స్), నవంబర్ 15: భారత్, వెస్టిండీస్ మహిళల క్రికెట్ జట్ల మధ్య మూలపాడులోని దేవినేని వెంకటరమణ - ప్రణీత క్రికెట్ గ్రౌండ్‌లో జరుగుతున్న వనే్డ క్రికెట్ సిరీస్‌లో బుధవారం మూడో వనే్డ జరుగనుంది. ఇప్పటికే మొదటి రెండు వనే్డల్లో విజయం సాధించి సిరీస్‌ను కైవసం చేసుకున్న భారత జట్టు బ్యాటింగ్, బౌలింగ్, ఫీల్డింగ్ విభాగాల్లో చాలా పటిష్టంగా ఉంది.

బెంగళూరు, నవంబర్ 15: దేశంలో 500, 1,000 రూపాయల నోట్లను రద్దు చేస్తూ ప్రధాని నరేంద్ర మోదీ తీసుకున్న నిర్ణయానికి తాను సంపూర్ణ మద్దతునిస్తానని ఐదు పర్యాయాలు ప్రపంచ మహిళల బాక్సింగ్ చాంపియన్‌షిప్‌ను కైవసం చేసుకున్న భారత స్టార్ బాక్సర్ మేరీ కోమ్ స్పష్టం చేసింది.