ఢాకా, సెప్టెంబర్ 29: అండర్-18 ఆసియా కప్ హాకీ టోర్నమెంట్ సెమీ ఫైనల్‌లో చిరకాల ప్రత్యర్థి పాకిస్తాన్‌ను చిత్తుచేసిన భారత్ ఫైనల్‌కు దూసుకెళ్లింది. ఇరు దేశాల సరిహద్దుల వద్ద తీవ్ర ఉద్రిక్తత చోటు చేసుకున్న నేపథ్యంలో జరిగిన ఈ మ్యాచ్‌లో భారత్ పూర్తి ఆధిపత్యాన్ని కనబరచింది. ప్రారంభం నుంచే దాడులకు ఉపక్రమించి, ఏడో నిమిషంలోనే శివం ఆనంద్ ద్వారా తొలి గోల్‌ను సంపాదించింది.

న్యూఢిల్లీ, సెప్టెంబర్ 29: జాతీయ క్రీడా సమాఖ్యలతో కేంద్ర క్రీడాశాఖ మంత్రి విజయ్ గోయల్ గురువారం భేటీ అయ్యాడు. రియో ఒలింపిక్స్‌కు భారీ బృందాన్ని పంపించినప్పటికీ, కేవలం రెండు పతకాలతో సంతృప్తి చెందాల్సి రావడంతో కేంద్రం నిరాశ చెందింది. రియో వైఫల్యాలపై పోస్ట్‌మార్టం ప్రారంభించింది.

హైదరాబాద్, సెప్టెంబర్ 29: వైద్య పునరావాస సేవలకోసం అపోలోహాస్పిటల్స్ ఇటలీకి చెందిన కెఒఎస్ గ్రూప్‌తో కలిసి అపోకస్ పేరుతో ఒక జాయింట్ వెంచర్‌ను ప్రారంభించింది. అపోకస్ మొదటి పునరావాస సదుపాయ ఆసుపత్రిని హైదరాబాద్‌లో ఏర్పాటు చేస్తారు. దశలవారీగా మెట్రో నగరాలకు ఈ సదుపాయాన్ని వర్తింప చేస్తారు.

హైదరాబాద్, సెప్టెంబర్ 29: దేశ వ్యాప్తంగా సంచలనం సృష్టించిన తెలంగాణ ఎమ్సెట్-2 లీకేజి కేసులో అక్టోబర్ నెలలో సిఐడి శాఖ చార్జిషీటును దాఖలు చేయనుంది. ఈ కేసులో ప్రశ్నాపత్రం లీకేజికి సంబంధించి దాదాపు 58 మంది నిందితులున్నట్లు సిఐడి జాబితా తయారు చేసింది. ఇందులో ఇంతవరకు 35 మందిని అరెస్టు చేశారు. ప్రశ్నాపత్రం లీకేజిలో ప్రధాన సూత్రధారిగా ఉన్న సునీల్ కుమార్ సింగ్ కోసం సిఐడి బృందాలు వేటను ముమ్మరం చేశాయి.