కోల్‌కతా, సెప్టెంబర్ 29: బెంగాల్ క్రికెట్ సంఘం (సిఎబి)కి అధ్యక్షుడిగా ఉన్న ‘కోల్‌కతా ప్రిన్స్’ సౌరవ్ గంగూలీ గురువారం లిఫ్ట్‌లో చిక్కుకుపోయాడు. సిబ్బంది వెంటనే స్పందించడంతో ప్రమాదం నుంచి బయటపడ్డాడు. మొదటి అంతస్థులో ఉన్న సిఎబి కార్యాలయానికి వెళ్లడానికి దాదా లిఫ్ట్ ఎక్కాడు. అయితే, అది మధ్యలోనే ఆగిపోయింది. ఈ విషయాన్ని గమనించిన సిబ్బంది వెంటనే రంగంలోకి దిగారు. విద్యుత్ సరఫరాను నిలిపివేశారు.

సియోల్, సెప్టెంబర్ 28: కొరియా ఓపెన్ బాడ్మింటన్ టోర్నమెంట్ పురుషుల సింగిల్స్‌లో మొదటి రౌండ్‌లోనే కీలక ఆటగాడు కిడాంబి శ్రీకాంత్ ఓటమిపాలయ్యాడు. అతనితోపాటు పారుపల్లి కశ్యప్, హెచ్‌ఎస్ ప్రణయ్, తన్వీ లాడ్ కూడా తమతమ మొదటి రౌండ్ మ్యాచ్‌ల్లోనే పరాజయాలను చవిచూసి, టోర్నీ నుంచి నిష్క్రమించారు. కాగా, అజయ్ జయరామ్, సాయి ప్రణీత్ మొదటి రౌండ్‌ను సమర్థంగా పూర్తి చేసి, భారత్ తరఫున పోరాటాన్ని కొనసాగిస్తున్నారు.

అబూదబీ, సెప్టెంబర్ 28: వెస్టిండీస్‌తో జరిగిన మూడవ, చివరి మ్యాచ్‌ని కూడా గెల్చుకున్న పాకిస్తాన్ ఈ సిరీస్‌ను క్లీన్‌స్వీప్ చేసింది. మొదటి రెండు మ్యాచ్‌ల్లో విజయాలను నమోదు చేసి, సిరీస్‌ను దక్కించుకున్న పాక్ చివరి మ్యాచ్‌లోనూ ఆధిపత్యాన్ని కనబరచింది. స్పిన్నర్ ఇమాద్ వసీం 21 పరుగులకే మూడు వికెట్లు పడగొట్టడంతో విండీస్‌ను పాక్ 103 పరుగులకే కట్టడి చేసింది.

న్యూఢిల్లీ, సెప్టెంబర్ 28: పాలనా వ్యవహారాలన్నీ పారదర్శకంగా జరగాలన్న ఉద్దేశంతో లోధా కమిటీ చేసిన సిఫార్లును అమలుచేయడానికి నిరాకరిస్తున్న భారత క్రికెట్ నియంత్రణ బోర్డు (బిసిసిఐ)పై సుప్రీం కోర్టు మండిపడింది. లోధా కమిటీ బుధవారం సమర్పించిన స్టేటస్ రిపోర్టులపై తీవ్రంగా స్పందించిన కోర్టు ఇప్పటికైనా దారిలోకి రావాలని సూచించింది.