విజయవాడ, మార్చి 7 : తెలంగాణలో అమలవుతున్న మిషన్ భగీరథ తరహా పథకాన్ని రాష్ట్రంలోనూ అమలు చేసేందుకు సన్నాహాలు జరుగుతున్నాయని ఆంధ్రప్రదేశ్ ఉప ముఖ్యమంత్రి, రెవెన్యూ మంత్రి కెఇ కృష్ణమూర్తి తెలిపారు. అసెంబ్లీ ఆవరణలో ఆయన మంగళవారం విలేఖరులతో మాట్లాడుతూ రాష్ట్రంలో వాటర్ గ్రిడ్ పథకం అమలుకు భగీరథ తరహాలో బోర్డు ఏర్పాటు చేయనున్నామన్నారు. ఇందుకు సంబంధించి ఏర్పాట్లు జరుగుతున్నాయన్నారు.

హైదరాబాద్, మార్చి 7: తెలంగాణ జెఎసిలో ఆరంభమైన ముసలం ముదిరి ఇద్దరు నేతల సస్పెన్షన్‌కు దారి తీసింది. టి.జెఎసి రాష్ట్ర కన్వీనర్ పిట్టల రవీందర్, కో-చైర్మన్ నల్లపు ప్రహ్లాద్‌లను సస్పెండ్ చేస్తూ మంగళవారం జరిగిన టి.జెఎసి సమావేశం తీర్మానించింది. ప్రొఫెసర్ కోదండరామ్ వ్యవహార శైలిని తప్పుపడుతూ రవీందర్, ప్రహ్లాద్ మీడియాకు బహిరంగ లేఖలు విడుదల చేసిన సంగతి తెలిసిందే. టి.జెఎసిని యధావిధిగా కొనసాగిస్తారా?

హైదరాబాద్, మార్చి 7:తెలంగాణ రాష్ట్రంలో మహిళలకు ప్రాధాన్యత లేదన్న విమర్శలపై నష్ట నివారణకు ముఖ్యమంత్రి కెసిఆర్ ఎట్టకేలకు చర్యలు చేపట్టారు. రాష్ట్ర మంత్రివర్గంలో మహిళలకు ప్రాతినిథ్యం లేకుండానే దాదాపు మూడేళ్లు గడిచిపోవడంపై వస్తున్న విమర్శలకు ఇక తెర దించాలని నిర్ణయించారు. మంత్రివర్గంలో స్థానం కల్పించకపోయినా కనీసం నామినేటెడ్ పదవులైనా ఇచ్చి, ఈ విమర్శలకు అడ్డుకట్ట వేయాలని భావిస్తున్నారు.

హైదరాబాద్, మార్చి 7: మావోయిస్టులతో సంబంధాలు ఉన్నాయని ఆరోపణల కేసులో ఢిల్లీ యూనివర్శిటీ ప్రొఫెసర్ సాయిబాబాకు యావజ్జీవ శిక్ష విధిస్తూ గడ్చిరొలి కోర్టు ఇచ్చిన తీర్పుపై హైకోర్టులో అప్పీలు చేస్తామని సాయిబాబా భార్య వసంత తెలిపారు.ఈ కేసులో నిందితులుగా ఉన్న వారందరికీ శిక్ష పడటం తనను దిగ్భ్రాంతి కలిగించిందన్నారు. న్యాయవ్యవస్థపై కేంద్ర, రాష్ట్ర ప్రభుత్వాలు వత్తిడి చేసినట్టు కనిపిస్తోందని అన్నారు.