ప్రత్తిపాడు, ఫిబ్రవరి 19: కాపు ఉద్యమకారులపై రాష్టవ్య్రాప్తంగా పోలీసులు రకరకాల కేసులు బనాయించడం దారుణమని కాపు ఉద్యమ నాయకుడు, మాజీ మంత్రి ముద్రగడ పద్మనాభం పేర్కొన్నారు. వివిధ ప్రాంతాల్లో సెక్షన్ 144, 30 ఉల్లంఘించారని కేసులు పెడుతున్నరని, అవి ఉల్లంఘన కాదని, తమ జాతి ఆకలి కేకలతో చూపించిన ఉద్యమ స్ఫూర్తి అని స్పష్టంచేశారు. ఈమేరకు రాష్ట్ర డిజిపి జెవి రాముడుకు ఆయన ఒక లేఖ రాశారు.

హైదరాబాద్, ఫిబ్రవరి 19: రాష్ట్రంలో శాసనసభా స్థానాల సంఖ్యను 119 నుంచి 153కి పెంచాలని కేంద్ర ప్రభుత్వానికి తెలంగాణ ప్రభుత్వం లేఖ రాసింది. ఆంధ్రప్రదేశ్ రాష్ట్ర పునర్ వ్యవస్థీకరణ చట్టం ప్రకారం తెలంగాణ, ఆంధ్రప్రదేశ్ ఇరు రాష్ట్రాలలోనూ జనాభా నిష్పత్తిని అనుసరించి శాసనసభ స్థానాల సంఖ్యను పెంచాల్సిన అవసరం ఉందని తెలంగాణ ప్రభుత్వ ప్రధాన కార్యదర్శి రాజీవ్‌శర్మ కేంద్ర హోం మంత్రిత్వశాఖకు లేఖ రాశారు.

నాగార్జున యూనివర్సిటీ, ఫిబ్రవరి 19: ఆంధ్రప్రదేశ్ ఫిజికల్ ఎడ్యుకేషన్ కామన్ ఎంట్రన్స్ టెస్ట్ (ఎపిపిఇసెట్)-2016 షెడ్యూల్‌ను పీసెట్ కన్వీనర్ ఆచార్య వై కిషోర్ గురువారం విడుదల చేశారు. ఈ నెల 26న పీసెట్ నోటిఫికేషన్‌ను విడుదల చేస్తామని, మార్చి 4వ తేది నుండి పీసెట్‌కు అభ్యర్థులు ఆన్‌లైన్‌లో దరఖాస్తు చేసుకోవచ్చని ఆయన తెలిపారు.

వరంగల్, ఫిబ్రవరి 19: వరంగల్ నగరాన్ని ఐటి హబ్‌గా అభివృద్ధి చేసేందుకు ముఖ్యమంత్రి కె. చంద్రశేఖర రావు కృతనిశ్చయంతో ఉన్నారని సమాచార టెక్నాలజీ, పంచాయతీ రాజ్ శాఖల మంత్రి కె.తారకరామారావు శుక్రవారం నాడిక్కడ తెలిపారు. ఐటి కంపెనీల ఏర్పాటుతో నగరం మరింత అభివృద్ధి సాధిస్తుందని అన్నారు.