రాజమహేంద్రవరం: ఇసుక మాఫియాకు అడ్డంగా దొరికిపోయే కొత్త ఇసుక విధానాన్ని ప్రకటించి ఇప్పటికే ఇ వేలం విధానంలో బోర్లాపడిన రాష్ట్రప్రభుత్వం ఇంకా అదే విధానాన్ని కొనసాగిస్తూ ఇంకా తప్పులు చేస్తూనే ఉంది. రాష్ట్రప్రభుత్వం రూపొందించిన కొత్త ఇసుక విధానంలోనే లొసుగులు ఉన్నాయని, విధానంలో వౌలిక మార్పులుచేస్తే తప్ప ఫలితం ఉండదని ‘ఆంధ్రభూమి’ మొదటి నుండి చెబుతూనే ఉంది.

హైదరాబాద్: రాష్ట్ర రాజధాని తరలింపుపై గత ఏడాది నుంచి చర్చ జరుగుతున్నా, ఉద్యోగుల సమస్యలు నేటికీ పరిష్కారం కాకపోవడం అడ్డంకిగా మారింది. సిఎం చంద్రబాబు బుధవారం అమరావతిలో తాత్కాలిక సచివాలయ భవనాల సముదాయానికి శంకుస్థాపన చేయడంతో హైదరాబాద్‌లోని సచివాలయంతోపాటు హెడ్ ఆఫ్ ది డిపార్ట్‌మెంట్స్‌లో పనిచేస్తున్న ఉద్యోగుల్లో గుబులు మొదలైంది.

గుంటూరు: ఏది సకల జనావళికి ఎల్లప్పుడూ శుభాన్ని, జయాన్ని కలిగిస్తుందో అలాంటి మహాశక్తివంతం, పవిత్రమైన శ్రీ విష్ణు సహస్ర నామ విరాట్ పారాయణ కార్యక్రమాన్ని ఓ మహత్తర యజ్ఞంగా నిర్వహించటానికి ఉద్దండరాయునిపాలెం వేదిక కానుంది. చిన జీయర్ స్వామి మానస పుత్రికైన వికాస తరంగణి కృష్ణా, గుంటూరు శాఖలు, గుంటూరుకు చెందిన భారతీ ధార్మిక విజ్ఞాన్ పరిషత్ సంయుక్తంగా ఈ కార్యక్రమాన్ని నిర్వహించనున్నారు.

ఏలూరు : అగ్రిగోల్డ్ ఛైర్మన్ అవ్వా వెంకట రామారావు, మేనేజింగ్ డైరెక్టర్ అవ్వా వెంకట శేషు నారాయణరావును ఏడు రోజులు సిఐడి కస్టడీకి న్యాయస్థానం అనుమతించింది. పశ్చిమ గోదావరి జిల్లా కేంద్రం ఏలూరులో ఇన్‌ఛార్జి జిల్లా న్యాయమూర్తి హరిహరనాధ శర్మ మంగళవారం ఈ నిర్ణయాన్ని వెలవరించారు. డిపాజిటర్లను మోసం చేసిన కేసులో సిఐడి పోలీసులు అగ్రిగోల్డ్ ఛైర్మన్, ఎండిలను అరెస్టు చేయడం తెలిసిందే.