హైదరాబాద్, జూన్ 5: ప్రపంచ పర్యావరణ దినోత్సవ వేడుకలు మంగళవారం రాష్టవ్య్రాప్తంగా ఘనంగా జరిగాయి. రాష్ట్ర కాలుష్య నియంత్రణ మండలి, అటవీ శాఖలు వివిధ స్వచ్చంద సంస్థలతో కలిసి రాష్ట్ర రాజధానితో పాటు 31జిల్లాల్లో అవగాహన కార్యక్రమాలను నిర్వహించారు. నానాటికి పెరుగుతున్న కాలుష్యం భూమండలాన్ని విషపు వలయంగా మారుస్తోందని ఆందోళన వ్యక్తం చేశారు.

హైదరాబాద్, జూన్ 5: తెలంగాణకు రెండురోజుల్లో నైరుతీ రుతుపవనాలు వచ్చే అవకాశం ఉందని భారత వాతావరణ శాఖ (ఐఎండీ) ప్రకటించింది. ఇప్పటికే ఆంధ్రప్రదేశ్‌లోని అనంతపురం, చిత్తూరు తదితర జిల్లాలకు రుతుపవనాలు విస్తరించాయి. రుతుపవనాలు ముందుకు సాగేందుకు వాతావరణ పరిస్థితులు అనుకూలంగా ఉన్నాయని వెల్లడించారు. ఇలా ఉండగా ఉత్తర బంగాళాఖాతంలో ఈ నెల 8 న అల్పపీడనం ఏర్పడే అవకాశం ఉందని ఐఎండీ ప్రకటించింది.

న్యూఢిల్లీ, జూన్ 5: సునంద పుష్కర్ మరణానికి సంబంధించిన కేసులో, కాంగ్రెస్ నేత శశి థరూర్‌కు ఢిల్లీ కోర్టు సమన్లు జారీచేసింది. జూలై 7న కోర్టులో హాజరు కావాలని ఆదేశించింది.

ఏలూరు, జూన్ 5: వేలకోట్ల రూపాయల విలువైన అగ్రిగోల్డ్ సంస్థ ఆస్తులను చౌకలో కొట్టేయడానికి చంద్రబాబు ప్రయత్నిస్తున్నారని వైసీపీ అధినేత వైఎస్ జగన్మోహన్‌రెడ్డి ఆరోపించారు. తాము అధికారంలోకి వస్తే ఈ సంస్థ బాధితులను ఆదుకుంటామని ప్రకటించారు. అధికారంలోకి రాగానే రూ.1100 కోట్లు విడుదలచేసి, అగ్రిగోల్డ్ ఆస్తులను స్వాధీనం చేసుకుంటామని ప్రకటించారు. ఈ మొత్తంతో 80శాతం మంది డిపాజిట్‌దారులకు న్యాయం జరుగుతుందన్నారు.