యాదగిరిగుట్ట, మే 20: శ్రీలక్ష్మీనరసింహస్వామి వారి దర్శనార్థం వచ్చిన భక్తులతో యాదాద్రి కొండ ఆదివారం పోటెత్తింది. స్వామివారి దర్శనం కోసం ప్రత్యేక క్యూలైన్లు, శీఘ్ర దర్శనం, అతి శీఘ్ర దర్శనం, ధర్మ దర్శనం, ప్రసాద విక్రయ కౌంటర్ల వద్ద భక్తులు గంటల తరబడి వేచి ఉండాల్సిన పరిస్థితి ఏర్పడింది.

హైదరాబాద్, మే 20: తిరుమలలో జరుగుతున్న తప్పిదాలపై ఉన్నతస్థాయి విచారణ జరపాలని తిరుమల తిరుపతి దేవస్థానాల (టిటిడి) ప్రధాన అర్చకులు రమణ దీక్షితులు డిమాండ్ చేశారు. హైదరాబాద్‌లో ఆదివారం ఆయన మీడియా ప్రతినిధులతో మాట్లాడుతూ, శ్రీ వేంకటేశ్వరస్వామి వారికి సంబంధించిన విలువైన ఆభరణాలు మాయం కావడం, మైసూరు రాజులు గతంలో స్వామికి సమర్పించిన వజ్రం మాయం కావడం ఆశ్చర్యం కలిగిస్తోందన్నారు.

హైదరాబాద్, మే 20: నానాటికి కాలుష్య కాసారంగా మారడంతో పాటు నీటి లభ్యత కరువు అవుతున్న కృష్ణానదికి పునర్జీనం తీసుకువచ్చేందుకు తెలంగాణ ప్రభుత్వం నడుం బిగించింది. ప్రపంచ వాటర్ కౌన్సిల్ సహాయంతో తెలంగాణ జల వనరుల అభివృద్ధి సంస్థ, నదుల సంరక్షణ కోసం పనిచేస్తున్న స్వచ్చంద సంస్థలు, ఇన్స్‌టిట్యూట్ ఆఫ్ ఇంజనీర్స్‌తో కలిసి పదేళ్ల పాటు పునఃర్జీవన పనులు చేపట్టాలని నిర్ణయించింది.

హైదరాబాద్, మే 20: రానున్న ఎన్నికల ఏడాదిలో విద్యుత్ వ్యవహారం ప్రభుత్వానికి సవాల్‌గా మారనుంది. సరఫరాపై సర్కారు లెక్కలకు, ట్రాన్స్‌కో వివరాలకు పొంతన కుదరకపోవడమే ఈ అనుమానాలకు తావిస్తోంది. ఏదేమైనా వచ్చే జనవరికి విద్యుత్‌పై స్పష్టమైన విధానాన్ని ప్రభుత్వం ప్రజల ముందు ఉంచాల్సిన అవసరం ఉందని పరిశీలకులు అంటున్నారు.