ప్రకాశం: మారిషస్‌లో ఓ తెలుగు విద్యార్థి దుర్మరణం చెందాడు. మృతుడు మద్దిపాడు మండలం అన్నంగి గ్రామానికి చెందిన సాయి మనోజ్‌గా గుర్తించారు. ప్రమాదవశాత్తు వాటర్ ఫాల్‌‌లో కాలు జారి పడి మృతిచెందినట్లుగా అధికారులు తల్లిదండ్రులకు సమాచారం అందించారు. మారిషస్‌లో సాయి మనోజ్ ఎంబీబీఎస్ విద్యను అభ్యసిస్తున్నాడు.

హైదరాబాద్ : కర్ణాటక శాసనసభ ఎన్నికల్లో పోటీ చేయడం లేదని ఎంఐఎం ఎంపీ అసదుద్దీన్ ఓవైసీ స్పష్టం చేశారు. సోమవారం ఓ జాతీయ మీడియాతో మాట్లాడిన ఆయన ఈ విషయాన్ని తెలియజేశారు. ఈ ఎన్నికల్లో జేడీఎస్ కు మద్దతు ఇచ్చి.. ఆ పార్టీ తరపున ప్రచారం చేస్తామని తెలిపారు. జాతీయ పార్టీలు అయిన కాంగ్రెస్, బీజేపీ పూర్తిగా విఫలమయ్యాయని ఎంపీ ఓవైసీ పేర్కొన్నారు.

వికారాబాద్: హైదరాబాద్ నగరంలోని లింగంపల్లిలో గ్రీన్ ట్రెండ్స్‌లో బ్యూటీషియన్‌గా పనిచేస్తున్న జ్యోతి అనే యువతి వికారాబాద్‌లో శవమై తేలింది. తాండూరులోని అమ్మమ్మ వాళ్లింటికి జాతరకని ఇంట్లో చెప్పి బయలుదేరిని అమ్మాయి ధారూర్ మండలం మైలారం వద్ద రాత్రి 11 గంటల ప్రాంతం లో బీజాపూర్ రైలు నుంచి కిందపడిపోయింది.

నాగర్‌కర్నూల్: జిల్లాలోని అమ్రాబాద్ మండలం ఈదులబావి గ్రామ సమీపంలో లారీ - ద్విచక్రవాహనం ఢీకొనడంతో జరిగిన ప్రమాదంలో ఇద్దరు యువకులు అక్కడికక్కడే మృతి చెందారు. మృతులు పదర గ్రామానికి చెందిన గణేశ్(20), మురళి(16)గా గుర్తించారు. పోలీసులు లారీ డ్రైవర్‌ను అదుపులోకి తీసుకున్నారు.