హైదరాబాద్, ఏప్రిల్ 15: దేశంలో పార్లమెంట్, అసెంబ్లీలకు ఒకేసారి ఎన్నికలు ప్రజాస్వామ్యానికి ప్రమాదకరమని సీపీఎం పొలిట్‌బ్యూరో సభ్యుడు రాఘవులు అన్నారు. సీపీఎం పార్టీ 22వ మహాసభల సందర్భంగా ఆదివారం ఎంబీ భవన్‌లో ఏర్పాటు చేసిన విలేఖరుల సమావేశంలో ఆయన మాట్లాడారు. జమిలి ఎన్నికలతో రాష్ట్రాల హక్కులకు విఘాతం కలుగుతుందని అన్నారు.

హైదరాబాద్, ఏప్రిల్ 15: ప్రముఖ వైద్యుడు, ఉమ్మడి ఆంధ్రప్రదేశ్ రాష్ట్ర రెడ్‌క్రాస్ సొసైటీ మాజీ కార్యదర్శి డాక్టర్ ఎపి రంగారావు (75) ఆదివారం మృతి చెందడం పట్ల ముఖ్యమంత్రి కల్వకుంట్ల చంద్రశేఖర్‌రావు ఒక ప్రకటనలో సంతాపం వ్యక్తం చేసారు. పేదలకు వైద్య సేవలు అందించడానికి, ప్రభుత్వపరంగా వైద్య సేవలను విస్తరించడానికి రంగారావు జీవితాంతం కృషి చేసారని సీఎం కొనియాడారు.

విజయవాడ, ఏప్రిల్ 15: ప్రకృతి అనూకూలించక పోవడంతో దిగుబడి గణనీయంగా తగ్గిపోయి ఈ ఏడాది మామిడి ధర కొండెక్కనుంది. తోటల వద్దే కాయ 10 రూపాయల ధర పలుకుతోంది. పూత, పిందె దశలో భారీగా నష్టపోవడంతో మిగిలిన పంటను కాపాడుకునేందుకు రైతులు ప్రయత్నం చేస్తున్నారు. రాష్ట్రంలో 3.7 లక్షల హెక్టార్లలో మామిడి తోటలు ఉన్నాయి. ఈ ఏడాది ప్రారంభంలో మామిడి పూత బాగా వచ్చింది. దీంతో మంచి దిగుబడి రావచ్చని రైతులు ఆశపడ్డారు.

హైదరాబాద్, ఏప్రిల్ 15: దాదాపు పదకొండేళ్ల కిందట చార్మినార్ సమీపంలోని మక్కా మసీదులో జరిగిన బాంబు పేలుళ్ల కేసులో ఈ నెల 16 సోమవారం తీర్పు వెలువడనుంది. దీంతో నాంపల్లి కోర్టు వద్ద భారీ బందోబస్తు ఏర్పాట్లు చేస్తున్నారు. నేషనల్ ఇనె్వస్టిగేటివ్ ఏజెన్సీ (ఎన్‌ఐఏ) కోర్టు కం నాలుగో అదనపు మెట్రోపాలిటన్ సెషన్స్ కోర్టులో ఈ కేసు విచారణ కొనసాగింది.