హైదరాబాద్, ఏప్రిల్ 16: హైదరాబాద్ పాతబస్తీ మక్కా మసీదులో పదకొండేళ్ల కిందటి సంచలన బాంబు పేలుళ్ల కేసును జాతీయ దర్యాప్తు సంస్థ (ఎన్‌ఐఏ) నాంపల్లి ప్రత్యేక న్యాయస్థానం కొట్టివేసింది. కేసులో చార్జిషీట్లు ఎదుర్కొంటున్న ఐదుగురు నిందితులు దేవేందర్ గుప్తా, లోకేశ్ శర్మ, స్వామి అసీమానంద, భరత్ భాయ్, రాజేందర్ చౌదరిలను నిర్దోషులుగా పేర్కొంటూ సోమవారం సంచలన తీర్పు వెలువరించింది.

హైదరాబాద్, ఏప్రిల్ 16: తెలంగాణ జన సమితి ఆవిర్భావ సభ నిర్వహణకు హైకోర్టు సోమవారం అనుమతినిచ్చింది. సరూర్‌నగర్ గ్రౌండ్‌లో తెలంగాణ జన సమితి (తెజస) 29న నిర్వహించనున్న ఆవిర్భావ సభకు అనుమతి ఇవ్వాలంటూ జనసమితి నేతలు పోలీసులకు దరఖాస్తు చేసుకున్నారు. అయితే సభకు అనుమతి ఇవ్వలేమంటూ అటు పోలీసు శాఖ, ఇటు సరూర్‌నగర్ మైదానం నిర్వాహకులు నిరాకరించారు. దీంతో తెలంగాణ జన సమితి నేతలు హైకోర్టును ఆశ్రయించారు.

విజయవాడ, ఏప్రిల్ 16: రాష్ట్రానికి ప్రత్యేక హోదా కోసం ప్రత్యేక హోదా సాధన సమితి పిలుపు మేరకు సోమవారం జరిగిన రాష్ట్ర బంద్ సక్సెస్ అయింది. వ్యాపారులు తమంతట తాముగా స్వచ్ఛందంగా దుకాణాలు, షోరూంలు మూసి రోడ్డెక్కారు. రాజధాని ప్రాంత విజయవాడ నగరంలో బంద్ విజయవంతమైంది. శ్రీకాకుళం నుంచి అనంతపురం వరకు అన్ని చోట్లా బంద్ ప్రశాంతంగా, విజయవంతంగా జరిగింది.

విజయవాడ, ఏప్రిల్ 16: ఈ ఏడాది జూన్ నుంచే రైతులకు సాగునీరు అందించాలని సకాలంలో సేద్యం పనులు పూర్తిచేయాలని అధికారులను ముఖ్యమంత్రి చంద్రబాబునాయుడు ఆదేశించారు. ఉండవల్లిలోని తన నివాసం నుంచి నీరు-ప్రగతి, వ్యవసాయంపై ఆయన సోమవారం టెలీకాన్ఫరెన్స్ నిర్వహించారు. రెయిన్‌గన్స్‌ను ముందుగానే సిద్ధం చేసుకోవాలని, ఖరీఫ్ సేద్య ప్రణాళికలు పటిష్ఠంగా అమలుచేయాలన్నారు.