యాదాద్రి భువనగిరి: యాదాద్రిలోగల శ్రీ లక్ష్మీ నరసింహస్వామివారిని చినజీయర్‌స్వామి, రామేశ్వరరావు శనివారం దర్శించుకున్నారు. ఈ సందర్బంగా ప్రధాన ఆలయంలో ప్రత్యేక పూజలు నిర్వహించారు. అనంతరం ఆలయ పునర్నిర్మాణ పనులను చినజీయర్ స్వామి పరిశీలించారు. కాగా... చిన్నజీయర్ స్వామికి ఆలయ అధికారులు సంప్రదాయాల ప్రకారం ఘనస్వాగతం పలికారు

అమరావతి: విభజన హామీలను కేంద్ర ప్రభుత్వం నెరవేర్చనందునే తాము పోరాట పంథాను ఎంచుకున్నామని ముఖ్యమంత్రి చంద్రబాబు స్పష్టం చేశారు. ఈ నెల 27 నాటికి తాను రాజకీయాల్లోకి వచ్చి 40 ఏళ్లు అవుతోందని... తన రాజకీయ జీవితంలో ఎన్నో చూశానని చెప్పారు. ఐదు నదులను అనుసంధానం చేసి, మహా సంగమాన్ని ఏర్పాటు చేస్తామని... ఇది సాకారమైతే రాష్ట్రంలో కరవు అనేది ఉండదని చెప్పారు.

అమరావతి: ముఖ్యమంత్రి చంద్రబాబుపై వ్యక్తిగత విమర్శలు తగదని టీడీపీ ఎమ్మెల్సీ బుద్దా వెంకన్న మండిపడ్డారు. జగన్ డైరెక్షన్‌లోనే సోము అబద్ధాలు చెబుతున్నారని ఆరోపించారు. ప్రత్యేక హోదా పేరు మార్చి ప్యాకేజీ రూపంలో ఇస్తామన్నారని...పేరు ఏదైనా సాయం అందించాలనే తాము కోరుతున్నట్లు తెలిపారు.

యాదాద్రి భువనగిరి : యాదాద్రి శ్రీలక్ష్మీనరసింహస్వామి బ్రహ్మోత్సవాలు ఏడో రోజు అట్టహాసంగా కొనసాగుతున్నాయి. నేడు జగన్మోహిని అలంకారంలో భక్తులకు దర్శనమిస్తున్నారు. స్వామి వారిని దర్శించుకునేందుకు భారీ సంఖ్యలో తరలివస్తున్నారు
శ్రీవారి బ్రహ్మోత్సవాల్లో విశేష ఉత్సవాలు శుక్రవారం నుంచి ప్రారంభమవుతాయి. శుక్రవారం రాత్రి శ్రీవారి ఎదుర్కోలు మహోత్సవం వైభవంగా నిర్వహిస్తారు.