విశాఖపట్నం, ఫిబ్రవరి 26: విశాఖలో వరుసగా మూడోసారి మూడు రోజులపాటు జరిగిన భాగస్వామ్య సదస్సు సోమవారంతో ముగిసింది. సదస్సులో లక్ష్యానికి మించి పెట్టుబడులు రావడంతో సీఎం చంద్రబాబు ఆనందానికి అవధుల్లేకుండాపోయాయి. గతంలో జరిగిన భాగస్వామ్య సదస్సులకు భిన్నంగా సదస్సు జరిగింది.

కరీంనగర్ : రైతును రాజు చేయడమే తెలంగాణ ప్రభుత్వ లక్ష్యమని ముఖ్యమంత్రి కేసీఆర్ ఉద్ఘాటించారు. కరీంనగర్ అంబేడ్కర్ స్టేడియంలో నిర్వహించిన రైతు సమన్వయ సమితి ప్రాంతీయ సదస్సుకు సీఎం హాజరయ్యారు. ఈ సందర్భంగా సీఎం కేసీఆర్.. రైతు సమన్వయ సమితుల సభ్యులకు దిశానిర్దేశం చేశారు. జాతీయ ఉపాధి హామీ పథకాన్ని వ్యవసాయానికి అనుసంధానం చేయాలని కోరుతూ.. రైతులతో సీఎం ఏకగ్రీవ తీర్మానం చేయించారు.

సంగారెడ్డి: 60 ఏళ్లుగా తెలంగాణకు కాంగ్రెస్‌ అన్యాయం చేస్తూనే ఉందని మంత్రి హరీశ్ మండిపడ్డారు. కాంగ్రెస్‌ దగాకోరు పార్టీ అని దుయ్యబట్టారు. పోలవరానికి జాతీయహోదా ఇచ్చి ప్రాణహిత-చేవెళ్లకు మొండిచేయి చూపారని ఆరోపించారు. ఏ మొహం పెట్టుకొని కాంగ్రెస్‌ నేతలు యాత్రలు చేస్తారని ఆయన అన్నారు.

కరీంనగర్‌: గోదావరిఖని బైపాస్‌ రోడ్డులో హౌసింగ్‌ బోర్డు కాలనీ వద్ద రాష్ట్ర ప్రభుత్వ విప్‌ కొప్పుల ఈశ్వర్‌ డ్రైవర్‌ కారులో డీజిల్‌ పోసుకుని యూటర్న్‌ తీసుకుంటుండగా లైన్‌మెన్‌ గోపాల్‌ ప్రయాణిస్తున్న కారు వెనుక నుంచి ఢీకొట్టింది. ఈ ప్రమాదంలో గోపాల్‌ అక్కడికక్కడే మృతి చెందగా మరో వ్యక్తి పరిస్థితి విషమంగా ఉంది. క్షతగాత్రుడు స్థానిక ప్రభుత్వ ఆసుపత్రిలో చికిత్స పొందుతున్నాడు.