హైదరాబాద్, డిసెంబర్ 22: తెలంగాణ ప్రదేశ్ కాంగ్రెస్ కమిటీ (టిపిసిసి) మీడియా సలహాదారుగా తిరుమలగిరి సురేందర్ నియమితులయ్యారు. టిపిసిసి ఉపాధ్యక్షుడు, మీడియా ఇన్‌చార్జ్ మల్లు రవి ఈ మేరకు శుక్రవారం లిఖితపూర్వక ఆదేశాలు జారీ చేశారు. సురేందర్ ఉమ్మడి ఆంధ్రప్రదేశ్ రాష్ట్రంలో ప్రెస్ అకాడమి చైర్మన్‌గా పని చేసిన సంగతి తెలిసిందే.

హైదరాబాద్, డిసెంబర్ 22: టీచర్ పోస్టుల సంఖ్యలో, విద్యార్హతల విషయంలో, కనీస మార్కుల విషయంలో ప్రభుత్వం గందరగోళం సృష్టిస్తూ నిరుద్యోగుల జీవితాలతో చెలగాట ఆడుతున్నదని తెలంగాణ నిరుద్యోగుల సమావేశంలో పాల్గొన్న వక్తలు మండిపడ్డారు. శుక్రవారం బిసి భవన్‌లో నిరుద్యోగ జాక్ అధ్వర్యంలో జరిగిన నిరుద్యోగ సంఘాల సమావేశానికి బిసి సంక్షేమ సంఘం అధ్యక్షుడు ఆర్.కృష్ణయ్య ముఖ్యఅతిథిగా హాజరయ్యారు.

హైదరాబాద్, డిసెంబర్ 22: గిరిజనులను ప్రగతి పథంలో నడిపించేందుకు ఉద్దేశించిన ఎస్‌టి ప్రత్యేక అభివృద్ధి నిధిని పూర్తి స్థాయిలో ఖర్చు చేయాలని రాష్ట్ర గిరిజనాభివృద్ధి, పర్యాటక, సాంస్కృతిక శాఖ మంత్రి అజ్మీరా చందూలాల్ సంబంధిత అధికారులను ఆదేశించారు. శుక్రవారం దామోదరం సంజీవయ్య సంక్షేమ భవన్‌లో జరిగిన నోడల్ ఏజెన్సీ సమావేశానికి మంత్రి ముఖ్యఅతిథిగా హాజరయ్యారు.

హైదరాబాద్, డిసెంబర్ 21: రాష్ట్రానికి సరిపడ గిడ్డంగులు ప్రభుత్వం నిర్మించడంతో ప్రైవేట్ గిడ్డంగులను వెంటనే ఖాళీ చేయాల్సిందిగా మార్కెటింగ్‌శాఖ మంత్రి టి హరీశ్‌రావు అధికారులను ఆదేశించారు. ప్రభుత్వ గిడ్డంగులు ఉన్నప్పటికీ ప్రైవేట్ గిడ్డంగులను ప్రోత్సహించడం తగదని మంత్రి సూచించారు. ప్రైవేట్ గిడ్డంగులలో ఉన్న ధాన్యపు నిలువలను ప్రభుత్వ గిడ్డంగుల్లోకి వెంటనే తరలించాలన్నారు.