హైదరాబాద్, డిసెంబర్ 20: నాడు వైఎస్ రాజశేఖర రెడ్డి, నేడు వైఎస్ జగన్ అంటే టిడిపికి వెన్నులో వణుకు పుడుతోందని వైఎస్‌ఆర్‌సిపి సీనియర్ నేత బొత్స సత్యనారాయణ అన్నారు. చంద్రబాబు నాయుడు ఎన్ని కుట్రలు చేసినా తాము అదిరేది, బెదిరేది లేదని అన్నారు. బుధవారం నాడిక్కడ పార్టీ కేంద్ర కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ జగన్ నేతృత్వంలో రాష్ట్రానికి మంచి భవిష్యత్తు ఉందని అన్నారు.

/దిల్‌సుఖ్‌నగర్, డిసెంబర్ 20: నల్గొండ, మహబూబ్‌నగర్ జిల్లాల నుంచి తీసుకువచ్చి నగరంలో శిశువులను విక్రయిస్తున్న ముఠాను రాచకొండ ఎస్‌వోటీ పోలీసులు అరెస్టు చేశారు. బాలల హక్కుల సంఘం అధికారులు, రాచకొండ ఎస్‌వోటీ పోలీసుల జాయింట్ ఆపరేషన్‌లో ఆరుగురు ముఠా సభ్యులు పట్టుబడ్డారు. మరో ఇద్దరు పరార్ కాగా, వారి కోసం పోలీసులు గాలిస్తున్నారు.

హైదరాబాద్, డిసెంబర్ 20: క్రిస్మస్ పండుగ సందర్భంగా శుక్రవారం సాయంత్రం నిజాం కాలేజీ మైదానంలో రాష్ట్ర ప్రభుత్వం తరఫున విందు ఏర్పాటు చేసినట్టు ఉప ముఖ్యమంత్రి మహమూద్ అలీ తెలిపారు. ఈ విందుకు సీఎం హాజరవుతారని చెప్పారు. క్రిస్మస్ పండుగను ఘనంగా నిర్వహించడానికి ప్రభుత్వం రూ. 15 కోట్లు కేటాయించిందని తెలిపారు. నిజాం కాలేజీ మైదానంలో విందు ఏర్పాట్లను బుధవారం ఉప ముఖ్యమంత్రి పరిశీలించారు.

మహబూబ్‌నగర్, డిసెంబర్ 20: దేశంలో రాహుల్ సారథ్యంలో కాంగ్రెస్ పార్టీ విజయయాత్ర ప్రారంభమైందని, ఇందుకు ఇటీవల జరిగిన గుజరాత్ ఎన్నికల ఫలితాలే నిదర్శమని కాంగ్రెస్ పార్టీ రాష్ట్ర వ్యవహారాల ఇన్‌చార్జి రాంచందర్ కుంతియా అన్నారు. బుధవారం మహబూబ్‌నగర్ జిల్లా జడ్చర్ల నియోజకవర్గంలో కాంగ్రెస్ పార్టీ ఆధ్వర్యంలో జనగర్జన భారీ బహిరంగసభను నిర్వహించారు. ఈ సభకు ముఖ్యఅతిథులుగా రాంచందర్ కుంతియా హాజరయ్యారు.