నల్లగొండ, డిసెంబర్ 20: నల్లగొండ మున్సిపల్ చైర్‌పర్సన్ బొడ్డుపల్లి లక్ష్మిశ్రీనివాస్ కేంద్ర ప్రభుత్వ పురస్కారం స్కోచ్ అవార్డును అందుకున్నారు. బుధవారం ఢిల్లీలో జరిగిన కార్యక్రమంలో కేంద్ర మున్సిపల్ పరిపాలన, పట్టణాభివృద్ధి శాఖ ప్రిన్సిపల్ సెక్రటరీ చిత్రారామచంద్రన్ చేతుల మీదుగా చైర్‌పర్సన్ లక్ష్మి, మున్సిపల్ కమిషనర్ వెంకటేశ్వర్లు స్కోచ్ అవార్డును స్వీకరించారు.

నల్లగొండ, డిసెంబర్ 20: సమాజంలో జనాభాను అనుసరించి సరైన ప్రాతినిధ్యం దక్కని బీసీలు తమ హక్కుల సాధనకు రాజ్యాధికారమే లక్ష్యంగా సంఘటిత పోరాటాలు ఉధృతం చేయాలని బీసీ సంఘాల జాతీయ అధ్యక్షుడు, ఎమ్మెల్యే ఆర్. కృష్ణయ్య అన్నారు. బుధవారం నల్లగొండలో ఏర్పాటు చేసిన విలేఖరుల సమావేశంలో ఆయన మాట్లాడుతూ దేశంలో బీసీ వర్గానికి చెందిన ప్రధాని నరేంద్ర మోదీ పాలన హయాంలోనే బీసీలు తమ హక్కుల సాధనకు ఒత్తిడి తేవాలన్నారు.

కరీంనగర్, డిసెంబర్ 19: ఎంఐఎం రజాకార్ల వారసత్వ సంస్థ అని, టెర్రరిస్టుల రక్షణ కవచమని భారతీయ జనతా పార్టీ జాతీయ ప్రధాన కార్యదర్శి పొల్సాని మురళీధర్‌రావు ఆరోపించారు. నైజాం రజకార్ల వారసత్వంతో ఆవిర్భవించిన ఎంఐఎంతో ముస్లిం మహిళలకు ఒరిగిందేమీ లేదని విమర్శించారు.

మిర్యాలగూడ, డిసెంబర్ 19: నాగార్జునసాగర్ ఎడమ కాల్వ ఆయకట్టు ప్రాంతం, ఎత్తిపోతల పథకాల కింద యాసంగిలో ఆరుతడి పంటలనే రైతులు సేద్యం చేసుకోవాలని ఎన్‌ఎస్‌ఎల్‌బీసీ ఓ అండ్ ఎం సర్కిల్ సూపరింటెండింగ్ ఇంజనీర్ నర్సింహా కోరారు.