హైదరాబాద్: తెలంగాణ రాష్ట్రంలో ఆరు నగరాల శివార్లలో విమానాశ్రయాలు ఏర్పాటు చేయాలన్న రాష్ట్రప్రభుత్వ ప్రతిపాదనకు కదలిక వచ్చింది. ఆరు చోట్ల విమానాశ్రయాల ఏర్పాటుపై ఎయిర్ పోర్టు అథారిటీ ఆఫ్ ఇండియా ప్రాథమిక అధ్యయనం పూర్తి చేసింది. ప్రస్తుతం సాంకేతిక సాధ్యాసాధ్యాల నివేదిక కోసం రాష్ట్రప్రభుత్వం ఎదురుచూస్తోంది. ఈ నివేదికను పూర్తి చేసే విషయమై అథారిటీ ప్రయత్నాలను ముమ్మరం చేసింది.

హైదరాబాద్: ఆర్టీసీ ప్రవేటీకరణపై క్యాబినెట్‌లో నిర్ణయించటంలో తప్పు ఎలా అవుతుందని హైకోర్టు అభిప్రాయపడింది. ఆర్టీసీ, ప్రైవేటురవాణా వ్యవస్థలను సమాంతరంగా నిర్వహించే అధికారం ప్రభుత్వానికి ఉందని పేర్కొంది. సెక్షన్ 102 ప్రకారం ప్రభుత్వం అనుసరించాల్సిన ప్రక్రియ ఏమిటో వివరించాలని పిటిషనర్ తరపు న్యాయవాదికి హైకోర్టు సూచించింది. తదుపరి విచారణను రేపటికి వాయిదా వేసింది.

హైదరాబాద్: నగరు శివారు తహశీల్దార్ విజయారెడ్డిపై పెట్రోదాడి జరిగి న హత్యోదంతాన్ని మరువక ముందే మరో ఘటన ఇదే తరహాలో చోటుచేసుకుంది. కరీంనగర్ జిల్లా చిగురుమామిడి రెవెన్యూ సిబ్బందిపై కనకయ్య అనే రైతు పెట్రో దాడికి పాల్పడ్డాడు. భూమి పట్టాలు ఇవ్వటం లేదంటూ అటెండర్ దివ్య, ఇతర సిబ్బందిపై పెట్రోల్ పోశాడు. ఈ ఘటనలో ఎవ్వరికీ గాయాలు కాలేదు.

డిచ్‌పల్లి రూరల్, నవంబర్ 18: నిజామాబాద్ జిల్లా డిచ్‌పల్లిలోని తెలంగాణ విశ్వవిద్యాలయం రిజిస్ట్రార్‌గా ప్రొఫెసర్ నసీం నియమితులయ్యారు. ఈ మేరకు సోమవారం ఉదయం ఉత్తర్వులను అందుకున్న ఆమె, ఆ వెంటనే పూర్వ రిజిస్ట్రార్ డీ.బలరాములు నుండి బాధ్యతలు చేపట్టారు. ఫార్మస్యూటికల్ కెమిస్ట్రీ విభాగంలో ప్రొఫెసర్‌గా సుదీర్ఘకాలం బోధనా అనుభవం కలిగిన ప్రొఫెసర్ నసీం ఇదివరకు తె.యూలో పరిపాలనా బాధ్యతలు సైతం నిర్వర్తించారు.