హైదరాబాద్, నవంబర్ 14: దేశ ప్రయోజనాలను కాంగ్రెస్ పార్టీ తాకట్టు పెట్టొద్దని , చిల్ల రాజకీయాలు చేయవద్దని బీజేపీ రాష్ట్ర అధ్యక్షుడు డాక్టర్ కే లక్ష్మణ్ గురువారం నాడు హితవుపలికారు. ఆదివాసీ నేతలు పెద్ద సంఖ్యలో బీజేపీలో చేరిన సందర్భంగా పార్టీ రాష్ట్ర కార్యాలయంలో నిర్వహించిన కార్యక్రమంలో లక్ష్మణ్ మాట్లాడారు. రాహుల్ గాంధీ చేసిన ఆరోపణలు అన్నీ వాస్తవ విరుద్ధమని తేలిపోయిందని లక్ష్మణ్ అన్నారు.

హైదరాబాద్, నవంబర్ 14: దేశంలో సమ న్యాయానికి ప్రాధాన్యం ఇస్తున్నామని, ప్రాంతీయ అసమానతలు తొలగి జాతీయ ఆదాయం సమాన పంపిణీ జరుగుతోందని కేంద్ర హోం శాఖ సహాయ మంత్రి జీ. కిషన్‌రెడ్డి పేర్కొన్నారు. 2019-20 ఆర్థిక సంవత్సర అంతర్జాతీయ కార్యనిర్వాహక అభివృద్ధి కార్యక్రమానికి కేంద్ర మంత్రి ముఖ్య అతిథిగా హాజరయ్యారు.

హైదరాబాద్: ఆర్టీసీ యాజమాన్యం, కార్మిక సంఘాలకు మధ్య చర్చలకు గుదిబండగా మారిన ప్రభుత్వంలో విలీనం చేయాలన్న డిమాండ్‌ను ఆర్టీసీ జేఏసీ వదులుకుంది. దీంతోనైనా తమను చర్చలకు పిలువాలని ఆర్టీసీ కార్మిక సంఘాల జేఏసి ప్రభుత్వానికి విజ్ఞప్తి చేసింది. ఆర్టీసీ సమ్మె 41 రోజుకు చేరుకున్నప్పటికీ కార్మికులతో చర్చలకు ప్రభుత్వం ససేమిరా అంగీకరించని విషయం తెలిసిందే.

మరిపెడ, నవంబర్ 13: ఆర్టీసీ కార్మికుల పట్ల కక్షపూరిత వైఖరిని అవలంబిస్తూ ముఖ్యమంత్రి కేసీఆర్ చేసిన 21వ హత్య మానుకోటకు చెందిన ఆర్టీసీ డ్రైవర్ నరేష్‌ది అని ఆర్టీసీ జేఏసీ రాష్ట్ర కన్వీనర్ అశ్వత్థామరెడ్డి అన్నారు. మహబూబాబాద్ జిల్లాకేంద్రంలో ఆత్మహత్య చేసుకొని మరణించిన ఆర్టీసీ కార్మికుడు నరేష్ అంత్యక్రియల్లో బుధవారం ఆయన పాల్గొన్నారు.