హైదరాబాద్, సెప్టెంబర్ 29: వరుసగా సెలవులు రావడంతో అక్టోబర్ ఒకటో తేదీన నిర్వహించాల్సిన సీనియర్ సిటిజన్ దినోత్సవాన్ని వచ్చేనెల రెండో వారానికి వాయిదా వేస్తున్నట్టు వికలాంగుల సంక్షేమ శాఖ సంచాలకులు శైలజ తెలిపారు.

గద్వాల, సెప్టెంబర్ 29: ప్రియదర్శిని జూరాల ప్రాజెక్టుకు గత రెండు రోజులుగా వరద ఉధృతి తగ్గుముఖం పట్టడంతో గేట్లన్నింటినీ మూసివేశారు. శుక్రవారం వరద ఉధృతి పెరగడంతో 7 గేట్ల ద్వారా నీటిని విడుదల చేస్తున్నట్టు జూరాల అధికారులు తెలిపారు.

హైదరాబాద్, సెప్టెంబర్ 29: హైదరాబాద్‌లోని చంచల్‌గూడ కేంద్ర కారాగారం నుంచి పారిపోయేందుకు యత్నించిన ఐసిస్ ఉగ్రవాదులను ప్రస్తుతం ఉన్న బ్యారక్ నుంచి మరో బ్యారక్‌కు మార్చారు. ఈ బ్యారక్‌లో ముగ్గురు ఉగ్రవాదులు విచారణ ఖైదీలుగా ఉన్నారు. వీరిని జైలు అధికారులు హై సెక్యూరిటీ బ్యారక్‌లో ఉంచారు. అయినప్పటికీ ఇటీవల వీరి బంధువులు ములాఖత్ కోసం వచ్చిన నేపథ్యంలో వారు తప్పించుకొని పారిపోయేందుకు యత్నించారు.

హైదరాబాద్, సెప్టెంబర్ 29: సింగరేణి కార్మికుల వారసత్వ ఉద్యోగాలపై కోర్టుకెళ్ళింది ‘తెలంగాణ జాగృతి సభ్యులే’నని అఖిలపక్ష నేతలు ప్రత్యారోపణ చేశారు. సింగరేణి ఎన్నికలు ముఖ్యమంత్రి కె. చంద్రశేఖర్ రావు కుటుంబానికి, కార్మికులకు మధ్య జరుగుతున్న పోరు..అని వారు తెలిపారు. శుక్రవారం విలేఖరుల సమావేశంలో టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి, టి.టిడిపి వర్కింగ్ ప్రెసిడెంట్ ఎ.