హైదరాబాద్, నవంబర్ 13: రాష్ట్రప్రభుత్వం ఆర్టీసీ కార్మికుల సమ్మె విషయంలో చర్చలు, రాజీలు లేకుండా పాలన సాగిస్తోందని పీసీసీ నేత మల్లు రవి ధ్వజమెత్తారు.బుధవారం ఆయన ఇక్కడ విలేఖర్లతో మాట్లాడుతూ ప్రభుత్వం రాజ్యాంగ విరుద్ధంగా వ్యవహరిస్తోందన్నారు. రాజ్యాంగానికి వ్యతిరేకంగా నడుచుకుంటున్న ప్రభుత్వంపైన సుమోటోగా హైకోర్టు కేసును నమోదు చేయాలని ఆయన కోరారు.

సూర్యాపేట, నవంబర్ 13: సూర్యాపేట మత్స్యపారిశ్రామిక సంఘంలో సభ్యులకు హైకోర్టు ఆదేశాల మేరకు నైపుణ్య పరీక్షలు నిర్వహించకుండా సంబంధిత అధికారులు నిర్లక్ష్యం వహించడాన్ని నిరసిస్తూ మత్స్యకారులు బుధవారం జిల్లాకేంద్రంలోని రాష్ట్ర విద్యుత్‌శాఖ మంత్రి జగదీశ్‌రెడ్డి క్యాంపు కార్యాలయం ముందు ధర్నా నిర్వహించారు.

ముధోల్, నవంబర్ 13: ఆర్టీసీ కార్మికులు సమ్మె చేస్తూ దాదాపు 40 రోజుల అవుతున్నా ప్రభుత్వం నుండి ఎలాంటి స్పందన లేకపోవడంతో రెండు నెలలుగా కార్మికులకు జీతాలు లేక కుటుంబ పోషణ భారమవుతోంది. నిర్మల్ జిల్లా మండల కేంద్రమైన ముధోల్‌కు చెందిన భూమేష్ భైంసా డిపోలో ఆర్టీసీ కండక్టర్‌గా విధులు నిర్వహించారు. ఆర్టీసీ సమ్మె కొనసాగుతుండటంతో కుటుంబ పోషణ భారమై దిక్కుతోచక వ్యవసాయ కూలీగా మారాడు.

హైదరాబాద్, నవంబర్ 13: మార్క్‌ఫెడ్ ద్వారా మొక్క జొన్న కొనుగోలు కేంద్రాలను వెంటనే ఏర్పాటు చేసి రైతులకు అండగా నిలబడాలని కాంగ్రెస్ ఎమ్మెల్సీ టీ జీవన్ రెడ్డి ప్రభుత్వాన్ని కోరారు.