నిజాంసాగర్, జూలై 18: నిజాంసాగర్ ప్రాజెక్ట్ జలాశయంలోనికి రెండు రోజులుగా కురుస్తున్న భారీ వర్షాలకు, మంగళవారం 232 క్యూసెక్క్‌ల వరద నీరు వచ్చి చేరుతోందని ప్రాజెక్ట్ డిఈఈ దత్తాత్రి తెలిపారు. ప్రాజెక్ట్ ఎగువ ప్రాంతమైన సంగారెడ్డి జిల్లా, బాచెపల్లి, రాంరెడ్డిపేట్, నిజాంపేట్, శంకరంపేట్ తదితర ప్రాంతాల్లో కురిసిన వర్షాలకు వరద నీరు వచ్చి ప్రాజెక్ట్‌లోకి స్వల్పంగా చేరుతున్నాయన్నారు.

సిద్దిపేట, జూలై 18 : తెలంగాణ సర్కార్ విద్యాభివృద్ధికి ప్రణాళికాబద్ధంగా కృషిచేస్తుందని..అన్ని పాఠశాల, కళాశాల భవనాలకు పక్కా భవనాలు మంజూరు చేసిందని డిప్యూటీ సిఎం, రాష్ట్ర ఉన్నత విద్యాశాఖ మంత్రి కడియం శ్రీహరి వెల్లడించారు. ఉమ్మడి రాష్ట్రంలో విద్యావ్యవస్థను నీరుగార్చరని, కొత్తగా పాఠశాలలు, కళాశాలలు మంజూరు చేసినా పక్కా భవనాలు, వౌలిక సదుపాయాలు కల్పించలేదని, అధ్యాపక సిబ్బందిని నియమించలేదన్నారు.

హైదరాబాద్, జూలై 18: తెలంగాణలోని ప్రధాన దేవాలయాలైన భద్రాచలం, యాదగిరిగుట్ట, వేములవాడ, బాసర, కాళేశ్వరం, ధర్మపురి, కీసరగుట్ట, జోగుళాంబ పుణ్యక్షేత్రాల్లో వసతి, సేవలపై వస్తు సేవా పన్ను (జిఎస్‌టి) వేయాలని నిర్ణయించినట్టు తెలిసింది. ప్రస్తుతం తిరుమల-తిరుపతి దేవస్థానాల్లో జిఎస్‌టి అమలవుతున్న విషయం ఈ సందర్భంగా గమనార్హం. వెయ్యిరూపాయలు ఆపైగా అద్దె ఉన్న గదులపై 12 శాతం జిఎస్‌టి వేస్తున్నారు.

హైదరాబాద్, జూలై 18: దక్షిణాసియాలో 15 బిలియన్ ప్రజలు వంశానుగతమైన జన్యుసంబంధ వ్యాధులకు గురవుతున్నారని ఇదో అరుదైన అంశమని సిసిఎంబి డైరెక్టర్ డాక్టర్ రాకేష్ కె మిశ్రా చెప్పారు. సిసిఎంబి నిర్వహించిన పరిశోధనలో అనేక ఆశ్చర్యకరమైన అంశాలు బట్టబయలు అయ్యాయని ఆయన తెలిపారు. ఈ అధ్యయన ఫలితాలు వ్యక్తిగత చికిత్సా విధానంలో సమగ్రమైన మార్పులకు బాట వేస్తాయని ఆయన ఆశాభావం వ్యక్తం చేశారు.