హైదరాబాద్, జూలై 20: సిరిసిల్ల ఘటనలో అమాయకులను నిందితులుగా ముద్రవేసి థర్డ్ డిగ్రీ ప్రయోగించి పోలీసులు వారిని హింసించిన ఘటనపై కాంగ్రెస్ లెజిస్లేచర్ తీవ్రస్ధాయిలో ధ్వజమెత్తింది. గురువారం ఇక్కడ ఏర్పాటు చేసిన విలేఖర్ల సమావేశంలో సిఎల్‌పి నేత జానారెడ్డి, సీనియర్‌నేతలు గీతారెడ్డి, భట్టివిక్రమార్క మాట్లాడుతూ కొందరు పోలీసుల చర్యల వల్ల మొత్తం తెలంగాణ పోలీసులకే మచ్చ వస్తోందన్నారు.

హైదరాబాద్, జూలై 20: యాదగిరి గుట్ట శ్రీలక్ష్మీనర్సింహస్వామి వారికి చెందిన ఆబరణాల జాబితా, వాటి విలువతో సహా సమగ్ర నివేదిక ప్రభుత్వానికి చేరింది. ఈ జాబితాను తార్నాకలోని పురావస్తు శాఖకు పంపిస్తున్నామని రెవెన్యూ (దేవాదాయ) కార్యదర్శి ఎన్. శివశంకర్ తెలిపారు. ఈ జాబితాను సేఫ్ కస్టడీలో ఉంచాలని ఆదేశించారు.

హైదరాబాద్, జూలై 20: ప్రైవేటు, కార్పొరేట్ విద్యాసంస్థల్లో ఫీజుల దోపిడీని అరికట్టాలని డిమాండ్ చేస్తూ తెలంగాణ విద్యార్థి సంఘాల ఐక్యా కార్యాచరణ కమిటీ శుక్రవారం నాడు విద్యాసంస్థల బంద్‌కు పిలుపునిచ్చాయి. ఎస్‌ఎఫ్‌ఐ, ఎఐఎస్‌ఎఫ్, పిడిఎస్‌యు, టివివి, టిఎస్‌ఎఫ్, ఎఐఎఫ్‌డిఎస్, పిడిఎస్‌యు, ఎఐఎస్‌బి, ఎఐపిఎస్‌యు, బిసివిఎస్, డిఎస్‌యు తదితర సంఘాలు బంద్‌కు పిలుపునిచ్చాయి.

హైదరాబాద్, జూలై 19: హైదరాబాద్ కూకట్‌పల్లిలో అదృశ్యమై ముంబయిలో ప్రత్యక్షమైన విద్యార్థిని పూర్ణిమసాయి వాంగ్మూలాన్ని మాదాపూర్ డిసిపి విశ్వప్రసాద్, కూకట్‌పల్లి ఏసిపి భుజంగరావు నమోదు చేశారు. బాలిక పూర్ణిమసాయిని ముంబయి నుంచి హైదరాబాద్‌కు తీసుకువచ్చారు. కాగా..తన తల్లిదండ్రుల వద్దకు వెళ్లడానికి పూర్ణిమ ఇష్టపడడం లేదు. దీంతో ఆమెకు డిసిపి, ఏసిపి కౌనె్సలింగ్ ఇచ్చారు.