హైదరాబాద్, నవంబర్ 5: తెలంగాణ ఆర్టీసీ కార్మికులు ఈనెల 5వ తేదీలోపు విధుల్లో చేరాలని, సమ్మెకు దిగిన ఆర్టీసీ సిబ్బందికి ముఖ్యమంత్రి కేసీఆర్ డెడ్‌లైన్ విధించిన విషయం తెలిసిందే. ఈ నేపథ్యంలో ప్రభుత్వ నిర్ణయానికి అనుగుణంగా ఆర్టీసీ కార్మికులు విధుల్లో చేరే అవకాశం ఉందని భావించిన పోలీసు ఉన్నాతాధికారులు రాష్ట్రంలోని వివిధ జిల్లాలో ఉన్న ప్రధాన బస్‌డిపోల వద్ద భారీ పోలీసు బందోబస్తును ఏర్పాటు చేశారు.

హైదరాబాద్, నవంబర్ 5: రంగారెడ్డి జిల్లా అబ్దుల్లాపూర్‌మెట్ తహశీల్దార్ విజయారెడ్డి హత్యకు నిరసనగా మరో రెండు రోజుల పాటు రెవెన్యూ ఉద్యోగులంతా విధులు బహిష్కరిస్తున్నట్టు రెవెన్యూ జేఏసీ ప్రకటించింది. తెలంగాణ రెవెన్యూ జేఏసీ నేతలు వి. లచ్చిరెడ్డి, ఎస్. రాములు, గరికే ఉపేంద్రరావు, ఎన్. లక్ష్మీనారాయణ, ఏ. బాలనర్సయ్య, సంతోష్, వంగూరు రాములు, బి. సుధాకర్ తదితరులు ఈ మేరకు మంగళవారం ఒక ప్రకటన జారీ చేశారు.

హైదరాబాద్, నవంబర్ 5: తెలంగాణలో విత్తనోత్పత్తి, ఫుడ్ ప్రాసెసింగ్ రంగాల్లో పెట్టుబడులు పెట్టేందుకు మంచి అవకాశాలు ఉన్నాయని తెలంగాణ రాష్ట్ర వ్యవసాయ మంత్రి సింగిరెడ్డి నిరంజన్‌రెడ్డి తెలిపారు. నెదర్లాండ్స్ రాజధాని హేగ్ నగరంలోని క్రౌన్‌ప్లాజాలో డచ్ ట్రేడ్‌మిషన్ పెట్టుబడిదారులు సమావేశంలో మంగళవారం ఆయన ప్రసంగించారు. భారత దౌత్య కార్యాలయం ఈ సమావేశాన్ని ఏర్పాటు చేసింది.

హైదరాబాద్, నవంబర్ 5: తహసీల్దార్ విజయారెడ్డి సజీవ దహన ఘటన నేపథ్యంలోనైనా రెవిన్యూ చట్టాల మార్పులపై అఖిలపక్ష పార్టీల సమావేశాన్ని ఏర్పాటు చేయాలని సీపీఐ తెలంగాణ రాష్ట్ర కార్యదర్శి చాడ వెంకటరెడ్డి డిమాండ్ చేశారు. తెలంగాణ రాష్ట్రం కొత్తగా ఏర్పాటైన తర్వాత తప్పులతడకగా ఉన్న రెవిన్యూ చట్టాలను సవరించాలని 2017లోనే తాము కోరామని, నిజాం పాలన తర్వాత చట్టాల్లో మార్పులు తీసుకురాలేదని అన్నారు.