నర్వ, నవంబర్ 6: భగీరథ పైపులైన్‌ను వెంటనే తొలగించకపోతే నిన్ను పెట్రోల్ పోసి తగలబెడతా అంటూ పంచాయతీ కార్యదర్శిని ఒక వ్యక్తి బెదిరించిన సంఘటన వనపర్తి జిల్లాలో జరిగింది. నర్వ మండల పరిధిలోని కల్వాల గ్రామ పంచాయతీ కార్యాలయంలో కార్యదర్శిగా విధులు నిర్వహిస్తున్న కర్ణం లోకేష్‌ను అదే గ్రామానికి చెందిన బోయ వెంకటయ్య బుధవారం బెదిరింపులకు గురి చేశాడు.

నాగార్జునసాగర్, నవంబర్ 6: నాగార్జునసాగర్ జలాశయం నుండి ఎడమ కాల్వకు విడుదల చేస్తున్న నీటిని బుధవారం తెల్లవారుజామున డ్యాం అధికారులు నిలిపివేశారు. ఎడమ కాల్వ పరిధిలో వారబందీ పద్ధతిలో నీటి విడుదల కొనసాగిస్తున్నారు. ప్రస్తుతం సాగర్ జలాశయంలో నీటిమట్టం 589.80 అడుగులుగా ఉంది.

హైదరాబాద్: ఈ నెల 9న ఆర్టీసీ కార్మికులు మిలియన్ మార్చ్ నిర్వహిస్తారని జేఏసీ చైర్మన్ అశ్వత్థామరెడ్డి తెలిపారు. ఆయన బుధవారంనాడు మీడియాతో మాట్లాడుతూ నిబంధనల మేరకు ఆర్టీసీ విభజన జరగలేదని అన్నారు. సీఎం కేసీఆర్ ఇచ్చిన పిలుపునకు ఆర్టీసీ కార్మికులు స్పందించలేదని. కొంతమంది సిబ్బంది మాత్రమే విధుల్లో చేరారని తెలిపారు. ప్రభుత్వానికి కార్మికులు భయపడాల్సిన అవసరం లేదని అన్నారు.

హైదరాబాద్: సీఎం కేసీఆర్ డెడ్‌లైన్ విధించినప్పటికీ ఆర్టీసీ కార్మికులు ఆందోళన బాట వీడలేదు. విధుల్లోకి వచ్చి చేరలేదు. ఈ రోజు డిపోల ఎదుట బస్సులు నడవకుండా ఆందోళన చేశారు. పలు డిపోల్లో కార్మికుల ఆందోళనలు జరిగాయి. మేడ్చల్ జిల్లా కుషాయిగూడ డిపో ఎదుట కార్మికులు నిరసన చేపట్టారు. సూర్యాపేట డిపో ఎదుట చేస్తున్న ధర్నాకు రాజకీయ పార్టీలు పాల్గొన్నాయి.