హైదరాబాద్, నవంబర్ 6: రాష్ట్రంలో భూ వివాదాలపై హైకోర్టు సిటింగ్ జడ్జి లేదా సీబీఐతో విచారణ జరిపించాలని సీఎల్‌పీ నేత భట్టి విక్రమార్క సీఎం కేసీఆర్‌ను డిమాండ్ చేశారు. బుధవారం ఇక్కడ ఆయన విలేఖర్ల సమావేశంలో మాట్లాడుతూ, రాష్ట్రంలో భూరికార్డుల ప్రక్షాళన విపరీత పరిస్థితులకు దారితీస్తోందన్నారు. భూ వ్యవహారాలకు సంబంధించి గతంలో అనేక ఉద్యమాలు వచ్చాయన్నారు. అందులోనిది ఒక తెలంగాణ సాయుధ రైతాంగ పోరాటమన్నారు.

హైదరాబాద్, నవంబర్ 6: ఎన్టీపీసీ (సౌత్) రీజనల్ ఎగ్జిక్యూటివ్ డైరెక్టర్‌గా డాక్టర్ ప్రమోద్ ప్రభాకర్ కులకర్ణి నియమితులయ్యారు. ఆయన రాష్ట్రంలోని రామగుండం ఎన్టీపీసీ ప్రాజెక్టు హెడ్‌గా అదనపు బాధ్యతలు నిర్వహిస్తారు. అంతుక ముందు ఆయన ఆరావళి పవర్ కంపెనీ చీఫ్ ఎగ్జిక్యూటివ్ ఆఫీసర్‌గా విధులు నిర్వహించారు. 1982లో ఆయన ఎన్టీపీసీలో ఇంజనీరింగ్ ఎగ్జిక్యూటివ్‌గా చేరారు.

హైదరాబాద్: అయ్యప్ప దీక్ష చేపట్టిన పోలీసులు విధులు నిర్వహించేందుకు అనుమతించబోమని పోలీసులు ఉన్నతాధికారులు ఆదేశాలు జారీ చేయడాన్ని విశ్వహిందూ పరిషత్ అధికార ప్రతినిధి రావినూతల శశిధర్ తప్పుపట్టారు. ఇది హిందూ విశ్వాసాలను కించపరిచే చర్యేనని పేర్కొన్నారు. ఇతర మతస్తులకు వారి ఆచార వ్యవహారాలను కొనసాగించడానికి అనుమతిస్తూ కేవలం హిందువులపైనే ఆంక్షలు విధించడం సెక్యులరిజం అవుతుందా? అని ఆయన ప్రశ్నించారు.

హైదరాబాద్, నవంబర్ 6: ఆపదలో ఉన్న కార్యకర్తలు, వారి కుటుంబాలకు ముఖ్యమంత్రి కే. చంద్రశేఖర్ రావు అండ ఎప్పుడూ ఉంటుందని టీఆర్‌ఎస్ వర్కింగ్ ప్రెసిడెంట్ కే. తారక రామారావు అన్నారు. కార్యకర్తల కృషితోనే పార్టీ అధికారంలోకి వచ్చిందని, వారిని అధినేత, సీఎం కేసీఆర్ కడుపులో పెట్టుకొని చూసుకుంటున్నారని అన్నా రు. వివిధ కారణాలతో మృతి చెందిన 1,581 మం ది కార్యకర్తల కుటుంబాలకు రూ. 2 లక్షల చొప్పు న రూ.