నాగర్‌కర్నూల్, నవంబర్ 5: బాధ్యతాయుతమైన సీఏం పదవిలో ఉండి రెవిన్యూ సిబ్బందిపై బాధ్యతారహిత్యంగా చేసిన అవినీతి ఆరోపణల పర్యవసానమే తహశీల్దార్ విజయారెడ్డిపై సజీవ దహన ఘటనతో పాటు డ్రైవర్ మృతి చెందడానికి కారణమని మాజీ మంత్రి నాగం జనార్ధన్‌రెడ్డి ముఖ్యమంత్రి కేసీఆర్‌కు రాసిన లేఖలో పేర్కొన్నారు. ఈమేరకు మంగళవారం ఆ లేఖ ప్రతులను నాగం జనార్ధన్‌రెడ్డి స్థానిక విలేఖరులకు అందచేశారు.

సైదాబాద్, నవంబర్ 5: అబ్దుల్లాపూర్‌మెట్ మండలం తహశీల్దార్ సజీవదహనం ఘటన సమయంలో ఆమెను కాపాడే ప్రయత్నంలో గాయపడిన డ్రైవర్ చికిత్స పొందుతూ మంగళవారం ఉదయం మృతి చెందాడు. సోమవారం అబ్దుల్లాపూర్‌మెట్ మండల కార్యాలయంలోనే తహశీల్దార్ విజయారెడ్డిని గౌరెల్లికి చెందిన నిందితుడు సురేష్ పెట్రోల్ పోసి నిప్పంటించి హతమార్చిన సంగతి విదితమే.

హైదరాబాద్, నవంబర్ 5: తెలంగాణ రాష్ట్రంలోని రెవెన్యూ ఉద్యోగుల సమస్యలను పరిష్కరిస్తామని రెవెన్యూ శాఖ ప్రత్యేక ప్రధాన కార్యదర్శి సోమేశ్‌కుమార్ హామీ ఇచ్చారు. వివిధ ఉద్యోగ సంఘాల నేతలకు మంగళవారం ఆయన ఈ మేరకు సందేశం పంపించారు. రెవెన్యూ ఉద్యోగుల సమస్యలతో పాటు, శాఖాపరంగా సమస్యలు ఏవైనా త్వరలోనే పరిష్కరిస్తామని హామీ ఇచ్చారు.

హైదరాబాద్, నవంబర్ 5: అనారోగ్యంతో ఆస్పత్రిలో చికిత్స పొంది డిశ్చార్జి అయిన అంధోల్ ఎమ్మెల్యే క్రాంతి కిరణ్‌ను మంగళవారం టీఆర్‌ఎస్ నాయకులు, మంత్రులు పరామర్శించారు. టీఆర్‌ఎస్ వర్కింగ్ ప్రెసిడెంట్, మంత్రి కల్వకుంట్ల తారక రామారావు, ఆర్థిక మంత్రి హరీశ్‌రావు, ఎమ్మెల్యేలు బాల్క సుమన్, సురేందర్, ఎమ్మెల్సీ పోచంపల్లి శ్రీనివాస్‌రెడ్డి తదితరులు క్రాంతి కిరణ్‌ను వేర్వేరుగా కలిసి పరామర్శించారు.