హైదరాబాద్, నవంబర్ 4: ఢిల్లీలో న్యాయవాదులపై పోలీసుల కాల్పులను ఖండిస్తూ తెలంగాణలో న్యాయవాదులు సోమవారం నాడు తీవ్ర నిరసన వ్యక్తం చేశారు. హైకోర్టు సహా రాజధాని నగరంలోని మెట్రోపాలిటన్, సివిల్, క్రిమినల్ కోర్టులతో పాటు ఫ్యామిలీ కోర్టుల వద్ద న్యాయవాదులు నిరసన తెలిపారు. న్యాయవాదుల విధుల బహిష్కరణతో న్యాయస్థానాల్లో కార్యకలాపాలకు కొంత అంతరాయం ఏర్పడింది. కక్షిదారులకు కూడా ఇబ్బంది ఏర్పడింది.

హైదరాబాద్, నవంబర్ 4: తెలంగాణ రాష్ట్రాన్ని ‘గ్లోబల్ సీడ్ హబ్’గా మార్చేందుకు ప్రయత్నిస్తున్నామని, ఇందుకోసం నెథర్లాండ్స్ సహకరించాలని తెలంగాణ వ్యవసాయ మంత్రి సింగిరెడ్డి నిరంజన్‌రెడ్డి కోరారు. నెదర్లాండ్స్‌లోని సీడ్ వ్యాలీ హాలండ్‌ను నిరంజన్‌రెడ్డి నేతృత్వంలోని ఉన్నతస్థాయి బృందం సోమవారం సందర్శించింది. ఈ సందర్భంగా మంత్రి మాట్లాడుతూ, విత్తనోత్పత్తికి తెలంగాణలో మంచి వాతావరణం ఉందన్నారు.

హైదరాబాద్, నవంబర్ 4: రంగారెడ్డి జిల్లా అబ్దుల్లాపూర్‌మెట్ మండలం తహసీల్దార్ విజయారెడ్డి సజీవదహనం అత్యంత దురదృష్టకరమని వామపక్ష పార్టీల నేతలు, విద్యార్ధి, యువజన సంఘాలు, ఉపాధ్యాయ సంఘాల నేతలు పేర్కొన్నారు. వివిధ సంఘాల నేతలు వేర్వేరుగా విడుదల చేసిన వివిధ ప్రకటనల్లో విజయారెడ్డిపై దాడి , సజీవదహనం చాలా దారుణమని పేర్కొన్నారు.

హైదరాబాద్, నవంబర్ 4: ఏకపక్షంగా , నిరంకుశంగా ఆర్టీసీ కార్మికుల సమ్మె పట్ల ముఖ్యమంత్రి కేసీఆర్ వ్యవహరిస్తూ, ఐదోతేదీలోగా చేరాలని డెడ్‌లైన్ పెట్టడాన్ని సీపీఐ ఎంఎల్ న్యూ డెముక్రసీ , తెలంగాణ రాష్ట్ర కమిటీ ఖండిస్తోందని సహాయ కార్యదర్శి పీ రంగారావు పేర్కొన్నారు. సీఎంది దురహంకార చర్య అని ,కార్మిక వ్యతిరేక చర్య అని అన్నారు.