హైదరాబాద్, మే 15: రంజాన్ పండుగను పురస్కరించుకొని ముస్లింలకు ఎలాంటి ఇబ్బంది కలుగకుండా చర్యలు తీసుకోవాలని ఉప ముఖ్యమంత్రి మహ్మద్ మహమూద్ అలీ వివిధ శాఖల అధికారులను ఆదేశించారు. సచివాలయంలో సోమవారం మంత్రులు నాయిని నర్సింహారెడ్డి, తలసాని శ్రీనివాస్ యాదవ్, మైనారిటీ సంక్షేమ శాఖ సలహాదారు ఎకె ఖాన్, నగర శాసన సభ్యులు, వివిధ శాఖల అధికారులతో సమావేశం నిర్వహించారు.

హైదరాబాద్, మే 15: ఇంటర్మీడియట్ కోర్సును నిర్వహించే జూనియర్ కాలేజీల్లో ఆన్‌లైన్ అడ్మిషన్లు చేపట్టాలని ఎబివిపి కార్యకర్తలు సోమవారం ఇంటర్మీడియట్ బోర్డును ముట్టడించారు. దాంతో బోర్డు కార్యాలయం వద్ద ఉద్రిక్త పరిస్థితి ఏర్పడింది. కార్యకర్తలను అదుపు చేసేందుకు పోలీసులు లాఠీఛార్జి చేశారు. అనంతరం అరెస్టు చేసి బేగంబజార్ పోలీసు స్టేషన్‌కు తరలించారు.

హైదరాబాద్, మే 15: డిగ్రీ కాలేజీల్లో ఈ ఏడాది ఆన్‌లైన్ అడ్మిషన్లు చేపట్టనున్నట్టు ఉన్నత విద్యామండలి చైర్మన్ ప్రొఫెసర్ టి పాపిరెడ్డి, వైస్ చైర్మన్లు ప్రొఫెసర్ వెంకటాచలం, ప్రొఫెసర్ మల్లేశంలు ప్రకటించారు. తెలంగాణ రాష్ట్రంలోని 1167 ప్రభుత్వ, ఎయిడెడ్, ప్రైవేటు కళాశాలల్లో 4.09 లక్షల సీట్ల భర్తీకి ఆన్‌లైన్ వెబ్ ఆధారిత అడ్మిషన్లకు సోమవారం నోటిఫికేషన్ జారీ చేశామన్నారు.

హైదరాబాద్, మే 15: బీహార్ రాజ్‌గిర్‌లో ఏర్పాటు చేసిన నలందా విశ్వవిద్యాలయం రెండో వైస్ ఛాన్సలర్‌గా ప్రొఫెసర్ సునైనాసింగ్ సోమవారం నాడు బాధ్యతలు స్వీకరించారు. తొలి వైస్ ఛాన్సలర్ గోపా సబర్వాల్ పదవీకాలం ముగియడంతో ప్రభుత్వం దరఖాస్తులను స్వీకరించడంతో 200 మంది దరఖాస్తు చేశారు. వారి నుండి ఆరుగుర్ని సెర్చి కమిటీ ఇంటర్వ్యూలు చేసి ముగ్గురి పేర్లను రాష్టప్రతి ఆమోదానికి పంపించారు.