హైదరాబాద్, ఫిబ్రవరి 16: ప్రయాణికుల ఆదరణకు మెరుగైన సేవలే తార్కాణమని, ప్రయాణికులకు మరిన్ని మెరుగైన సేవలు అందించే లక్ష్యంగా సిబ్బంది పనిచేయాలని తెలంగాణ రాష్ట్ర రోడ్డు రవాణా సంస్థ చైర్మన్ సోమారపు సత్యనారాయణ అన్నారు. గురువారం జోనల్ ట్రాన్స్‌పోర్ట్ అకాడమిలో మూడురోజుల పాటు జరిగిన డిపో మేనేజర్ల పునశ్చరణ తరగతుల ముగింపు కార్యక్రమానికి ఆయన ముఖ్య అతిథిగా విచ్చేశారు.

హైదరాబాద్, ఫిబ్రవరి 16: తెలంగాణ రాష్ట్ర పబ్లిక్ సర్వీస్ కమిషన్ కార్యదర్శిగా ఎ.వాణిప్రసాద్ నియమితులయ్యారు. గురువారం సర్వీస్ కమిషన్ కార్యాలయంలో ఆమె బాధ్యతలు స్వీకరించారు. ఉన్నత విద్యాశాఖ కమిషనర్‌గా పని చేస్తున్న వాణి ప్రసాద్‌ను గత కొంత కాలంగా ఖాళీగా ఉన్న పబ్లిక్ సర్వీస్ కమిషన్ కార్యదర్శి పోస్టుకు ప్రభుత్వం బదిలీ చేసింది.గతంలో సాంకేతిక విద్య కమిషనర్‌గా కూడా పని చేశారు.

హైదరాబాద్, ఫిబ్రవరి 16: అమెరికాలోని శాన్‌ఫ్రాన్సిస్కోలో ఓ దుండగుడి కాల్పుల్లో తెలుగు విద్యార్థి వంశీ మామిడాల మృత్యువాత పడటంపై కేంద్ర కార్మిక మంత్రి బండారు దత్తాత్రేయ తీవ్ర దిగ్భ్రాంతిని వ్యక్తం చేశారు. విదేశాల్లో చదువుకుంటున్న తెలుగు విద్యార్థులు అక్కడ దురాగతాలకు గురై ప్రాణాలను కోల్పోవడం మనసు కలచివేసిందని అన్నారు.

హైదరాబాద్, ఫిబ్రవరి 15: నీటి ప్రాజెక్టుల నిర్మాణం పేరిట ప్రజాధనం దోపిడీకి గురవుతున్నదని వామపక్షాలు, విప్లవ రచయితల సంఘం, తెలంగాణ జల సాధన సమితి, తదితర ప్రజా సంఘాలు మండిపడ్డాయి. బుధవారం మేధావులు, వివిధ ప్రజా సంఘాల నేతలు మఖ్దూం భవన్‌లో సమావేశమయ్యారు. ఈ సందర్భంగా టి.జెఎసి చైర్మన్ ప్రొఫెసర్ కోదండ రామ్ ప్రసంగిస్తూ కాళేశ్వరం కంటే తుమ్మిడిహెట్టే అన్ని విధాల మేలని అన్నారు.