హైదరాబాద్, జనవరి 28: హైదరాబాద్‌లో ఓటర్‌ను, మున్సిపాలిటీల్లో ఎక్స్ అఫీషియో సభ్యుడినైనా తాను తెలంగాణలో ఓటు వేయడం తప్పేలా అవుతుందని టీఆర్‌ఎస్ రాజ్యసభ సభ్యుడు కే కేశవరావు ప్రశ్నించారు. మున్సిపల్ ఎన్నికల సందర్భంగా ఎక్స్ అఫీషియో సభ్యుడిగా తెలంగాణలో ఓటు వినియోగించుకోవడం పట్ల ప్రతిపక్షాలు తప్పు పట్టిన నేపథ్యంలో రాష్ట్ర ఎన్నికల సంఘాన్ని మంగళవారం కలిసి కేకే వివరణ ఇచ్చారు.

హైదరాబాద్, జనవరి 28: రాష్ట్రంలో మున్సిపల్ ఎన్నికల నిర్వహణ తీరు తెలంగాణ సమాజాన్ని అవమానించే విధంగా ఉన్నాయని టీపీసీసీ అధ్యక్షుడు ఉత్తమ్‌కుమార్ రెడ్డి విమర్శించారు. మంగళవారం ఆయన ఇక్కడ విలేఖర్ల సమావేశంలో మాట్లాడుతూ ప్రజలు సిగ్గుపడే విధంగా ముఖ్యమంత్రి కేసీఆర్, మంత్రి కేటీఆర్ ఎన్నికలు నిర్వహించారన్నారు. నేరేడుచర్ల మున్సిపాలిటీలో కాంగ్రెస్ కూటమికి 8, టీఆర్‌ఎస్‌కు 7 సీట్లు వచ్చాయన్నారు.

హైదరాబాద్, జనవరి 28: ఇంటర్మీడియట్ ఫస్టియర్ విద్యార్థులకు మంగళవారం నాడు నిర్వహించిన ఎథిక్స్ పేపర్‌కు 14,811 మంది గైర్హాజరయ్యారు. మొత్తం 4,90,462 మంది రిజిస్టర్ చేసుకోగా, వారిలో 4,75,651 మంది హాజరయ్యారు. 3.02 శాతం మంది గైర్హాజరయ్యారని ఇంటర్ బోర్డు అధికారులు తెలిపారు.
మార్చి 1న ఆర్‌జేసీ సెట్

హైదరాబాద్, జనవరి 28: పటన్‌చెరు, బొల్లారం ప్రాంతాల్లో కాలుష్య నివారణ కోసం ఏర్పాటు చేసిన ‘ఎన్విరాన్‌మెంట్ రిలీఫ్ ఫండ్’ వినియోగానికి ఉన్నతస్థాయి కమిటీని ఏర్పాటు చేశారు. ఈ మేరకు ఎన్విరాన్‌మెంట్, ఫారెస్ట్, సైన్స్ అండ్ టెక్నాలజీ శాఖ ప్రత్యేక ప్రధాన కార్యదర్శి రాజేశ్వర్ తివారీ పేరుతో మంగళవారం జీఓ జారీ అయింది. ప్రభుత్వ ప్రధాన కార్యదర్శితో పాటు తొమ్మిది మంది ఈ కమిటీ సభ్యులుగా ఉంటారు.