చెట్లపై చిటారుకొమ్మన ఉండి ఆహారం కోసం లేదా ప్రమాదం ఎదురైనప్పుడు మరో చెట్టు శిఖరాన ఉన్న కొమ్మలపైకి చటుక్కున ఎగిరే కప్పలు బోర్నియో, మలేసియాల్లో కనిపిస్తాయి. నాలుగు అంగుళాలు మాత్రమే ఎదిగే ఈ కప్పలు తడవకు 50 అడుగుల దూరం అమాంతం ఎగరగలవు. జతకట్టేందుకు, గుడ్లను పొదిగేందుకు మాత్రమే నేలపై కొద్దిసేపు ఉండే ఈ కప్పలు జీవితాంతం చెట్లపైనే నివసిస్తాయి. ప్రఖ్యాత ప్రకృతి పరిశోధకుడు వాలెసెస్ పేరుకు గుర్తుగా వీటిని వాలెసెస్ ఫ్లయింగ్ ప్రాగ్స్‌గా పిలుస్తున్నారు. గాలిలో తేలికగా ‘గ్లైడింగ్’ చేసే ఈ కప్పల శరీర నిర్మాణం అందుకు అనువుగా ఉంటుంది. కాళ్లవేళ్ల మధ్య ‘వెబ్’, ఉదరం వద్ద పలుచగా ఉండి, వ్యాకోచించే చర్మం అది ఎగరడానికి వీలుగా ఉంటుంది.