S ,7 à 8 RSCA (si SASPAS) et 6 cialis pharmacie cialis rapports de stage.

లోకాభిరామం

01/26/2020 - 22:40

గడచిన సంవత్సరంలో కొన్న పుస్తకాలను గురించి ఒక సమీక్ష చేశాను. అందులో ముఖ్యంగా నాకు మూడు రకాలు కనిపించాయి. మొదటివి సైన్స్ పుస్తకాలు. రేడియోలో నేను చేసిన ఉద్యోగం కారణంగా, ఆ తరువాత కూడా వరుసబెట్టి అదే పనిగా సైన్స్ రాస్తున్నందుకు నన్ను కొంతమంది సైన్స్ గోపాలం అంటారు. మొత్తానికి నాకు సైన్స్ చీమ గట్టిగానే కుట్టింది. అదేదో నేను తప్పకుండా పట్టించుకోవలసిన అంశం అన్న భావం మెదడులో గట్టిగా మిగిలిపోయింది.

01/12/2020 - 23:42

మా అమ్మాయి కొంతకాలంగా సింగపూర్‌లో పని చేస్తూ ఉండేది. పై చదువు, పని పేరున తాను ఇప్పుడు యూరోప్‌కు మారుతుంది. కనుకనే సింగపూర్ చూడటానికి మమ్మల్ని రమ్మని పిలిచింది. మా అబ్బాయి కూడా అక్కడికి వచ్చాడు. నలుగురం కలిసి నాలుగు రోజుల పాటు మా ఊర్లో తిరిగాం.

01/05/2020 - 23:42

ఒకప్పుడు నేను ఇంట్లో ఉన్నాను అంటే కర్ణాటక సంగీతం వినపడుతూ వుండేది. అది నా గొప్పతనం కాదు. సంగీతం ఎవరినయినా పట్టుకుంటే అట్లా పట్టుకుంటుంది. నా కొడుకు అప్పటికి డైనింగ్ టేబుల్ ఎత్తు కూడా లేడు. ఒక రాత్రి నేను అన్నం తింటున్నాను. వాడు నా ముందు వచ్చి గంభీరంగా నిలబడ్డాడు. సంగీతం పెట్టకుండా అన్నం తింటున్నావు ఎందుకు? అంటూ నన్ను నిలదీశాడు. మొత్తానికి పిల్లలిద్దరికీ కూడా సంగీతం వినడం అలవాటు అయింది.

12/29/2019 - 23:40

మలుపు వచ్చిందా చెప్పండి. మీరు వచ్చిందంటే నేనూ సరే అంటాను. అరవయి ఆరు సంవత్సరాలు గడిచినాయి. అందులో కొంతకాలం మలుపుల గురించి తెలియనే లేదు. తెలిసిన తరువాత తేడా తెలియలేదు. గోళ్లు గిల్లుకుంటూ కూచున్నా సరే, రోజూ గడిచిపోతుంది. చూస్తుండగానే వయసు పెరిగిపోతుంది. నిన్నటిరోజు మళ్లా రాదు. కన్నుమూసి తెరిచేలోగా ఆ క్షణం గడిచిపోతుంది. అందుకనే చేయవలసినదేదో సకాలంలో చేయాలి. లేకుంటే దానికి అర్థమే ఉండకపోవచ్చు.

12/22/2019 - 23:34

ఒక పుస్తకం ప్రింట్ చేయించడానికి లేదా మరేదో అచ్చు వేసుకోవడానికి ఫొటో కాపీషాప్‌కి వెళ్లవలసి వస్తుంది. యజమాని మిత్రుడు కనుక నేను వెళ్లిన అంగట్లో కొంతసేపు కూర్చుంటాను. అక్కడికి వచ్చే వాళ్లను గమనిస్తూ ఉంటాను. ఆశ్చర్యం ఎదురవుతుంది. వచ్చే వాళ్లంతా బడి పిల్లలు. ఇంటర్‌నెట్‌లో ఏవో బొమ్మలు వెతుకుతారు. వాటిని కొందరు రంగుల్లోనూ నలుపు తెలుపులోను అచ్చు వేయించుకుంటారు.

12/15/2019 - 23:10

చదవడం ఒక వ్యసనం. వెతికి వెతికి మరీ చదవడం అంతకంటే మంచి వ్యసనం. ఈ వెతుకులాటలో కొన్ని ఆశ్చర్యాలు ఎదురవుతాయి. రుచికరమైన పదార్థాన్ని ఒక్కరే తినకూడదు అన్నది ఒక మంచి పద్ధతి. అదే రకంగా మంచి రచనలు కనిపించినప్పుడు కూడా అందరితో పంచుకోవాలి అన్నది ఇంకా మంచి పద్ధతి. గిల్గమేష్ అని ఒక్క ఎపిక్ దొరికింది. అంటే ప్రాచీన గాథ అన్నమాట. దాన్ని ప్రపంచంలోనే మొట్టమొదటి నవల అని వర్ణించారు. మనకు మనసు ఊరుకోదు కదా!

12/14/2019 - 23:21

సినిమా చూసే ఓపిక లేదు. హాలుకు వెళ్లి సినిమా చూచి దశాబ్దం దాటింది. ఫెస్టివల్ సినిమాలు మాత్రం చూసిన జ్ఞాపకం ఉంది. ఇంటర్నెట్లో సినిమాలు చూడటానికి కావలసినన్ని అవకాశాలు ఉన్నాయి. మా అబ్బాయి అమెరికా నెట్‌ఫ్లిక్స్ అకౌంట్ నేను కూడా వాడుతుంటాను. అతను సేకరించి తన కంప్యూటర్‌లో ఉంచిన సినిమాలను, డాక్యుమెంటరీలను ఫ్లెక్స్ అనే ఆప్ ద్వారా నేను ఇక్కడి నుండి చూస్తుంటాను.

11/30/2019 - 23:18

ఒకప్పుడు పట్నంలో కూడా ప్రతి దినం కొన్ని గంటలపాటు కరెంటు ఉండేది కాదు. పల్లెల్లోనయితే ఎన్ని గంటలసేపు ఉంటుందో చెప్పగలిగితే గొప్ప! పల్లెలకు కూడా పంటల పేరున కరెంట్ ఇస్తామంటున్నారట. పట్నమంటే పెద్దలంతా ఉండి వ్యవహారం నడిపే చోటు. ఎక్కడ కరెంటు పోయినా అక్కడ పోవడానికి వీలు లేదు. అక్కడ అంతా వెలుగే. నీడలు ఉండకూడదు. నేను రాజధాని ఢిల్లీలో ఉండగా డిప్లొమేటిక్ ఏరియా పక్కన ఉండే వాడిని.

11/23/2019 - 23:26

ఆయన ఎవరో వచ్చాడు. క్షమించండి డిస్టర్బ్ చేశాను అన్నాడు. నేను అదేమీ లేదు, అన్నాను. ఆ మాట నేను ఊరికే అనలేదు. నిజంగానే అన్నాను. నా సమయం నా చేతిలో వుంటుంది. నేను చేస్తున్న పని ఆపి తర్వాత మళ్లీ ఎప్పుడైనా చేయవచ్చు. ఇంటికి వచ్చిన వారితో గౌరవంగా మాట్లాడడం కనీస ధర్మం. నేను మరెవరు ఇంటికి వెళ్లను. అదేదో గర్వంగా చెప్పడం లేదు. ఎందుకోగానీ అలవాటు లేదు. ఉంటున్న బిల్డింగ్‌లో ఇరవయి ఇళ్లు ఉన్నాయి.

11/16/2019 - 23:16

విశ్వంలాగే భూమి కూడా ప్రాచీనమయినదని చైనా వారు నమ్మారు. కనుకనే మొక్కలు, జంతువుల అవశేషాలు గట్టిపడి దొరికితే అవి ఒకనాటి జీవులని గుర్తించడానికి వారికి ఏ రకంగానూ అనుమానం లేకపోయింది. రాళ్లను కూడా గట్టితనం, రంగు ఆధారంగా వారు విభజించగలిగారు. జేడ్‌ను వారు విలువయినదిగా గుర్తించారు. ఆ రాతితో అందమయిన విగ్రహాలను, వస్తువులను మలుచుకున్నారు. చైనాలో తరుచుగా భూకంపాలు వచ్చేవి.

Pages