S ,7 à 8 RSCA (si SASPAS) et 6 cialis pharmacie cialis rapports de stage.

ఓ చిన్నమాట!

01/26/2020 - 23:01

జాన్ ఆర్ట్‌బెర్గ్ రాసిన ‘ఆల్ ది ప్లేసెస్ యూ గో.. హౌ విల్ యూ నో’ అన్న పుస్తకం చివర్లో ఓ చిన్న కథ చెబుతాడు. ఆ కథ నాకు చాలా నచ్చింది. ఆ కథ పేరు ‘టూ పెన్నీస్’ అంటే రెండు నాణేలు. ఆ కథ ఇలా మొదలవుతుంది.
మింట్ నుంచి రెండు కొత్త నాణేలు బయటకు వచ్చాయి. అవి చాలా ప్రకాశవంతంగా మెరిసిపోతున్నాయి.
రెండూ ఒకేలా వున్నాయి. వాటి విలువ కూడా ఒక్కటే. అందులో కూడా రెండూ ఒకే మాదిరిగా వున్నాయి.

01/19/2020 - 23:26

గత నవంబర్ నెలలో కుటుంబ సభ్యులతో కలసి సింగపూర్ వెళ్ళాను. చాలా చిన్నదేశం, అతి తక్కువ సమయంలో అంతగా అభివృద్ధి చెందడం గొప్ప ఆశ్చర్యాన్ని, ఆనందాన్ని కలిగించింది. అక్కడికి ఆర్కిటెక్చర్ నైపుణ్యాన్ని చూసి విభ్రమం చెందాల్సిందే. పార్క్‌లు, అక్వేరియమ్‌లు, జంతు ప్రదర్శనశాలలు ఒకటేమిటీ ఇలా ఎన్నో.

01/13/2020 - 23:27

మనిషి తాను చాలా తెలివిగలవాడినని అనుకుంటాడు. అన్ని విషయాలు తనకు తెలుసునని అనుకుంటాడు.
ఇది అర్ధసత్యమే.
ఎవరికి వారు ఆత్మ పరిశీలన చేసుకుంటే తెలివిగల వ్యక్తికి కూడా తెలియని విషయాలు చాలా వున్నాయని అర్థమవుతుంది.

01/05/2020 - 23:57

సైన్సు, లెక్కలు అంటే ఇష్టం వుండే విద్యార్థులు కొంతమంది వుంటే అవి ఇష్టపడని వ్యక్తులు మరెందరో వుంటారు.
ఆ రెండవ కేటగిరీకి చెందిన వ్యక్తిని నేను. అయినా లెక్కల సబ్జెక్టుని పదవ క్లాసు వరకు, సైన్సుని డిగ్రీ వరకు కష్టంగా చదివాను. సైన్సు నాకిష్టం లేదని చెప్పే స్వాతంత్య్రం లేని కాలం అది.
డిగ్రీ తరువాత స్వేచ్ఛ వచ్చింది. ‘లా’కి మారిపోయాను. ఇష్టంగా చదివాను.

12/29/2019 - 23:57

హైదరాబాద్‌లో సంవత్సరానికి ఒకసారి జరిపే పుస్తక ప్రదర్శన వచ్చేసింది. పుస్తకాలు ఇష్టపడే వ్యక్తులకి డిసెంబర్ చివరి వారం ఓ పండుగలా అన్పిస్తుంది. చాలా పుస్తకాలని, పుస్తకాల షాపులని ఒక్క దగ్గర చూసే అవకాశం దీనివల్ల లభిస్తుంది. ఇలాంటి ప్రదర్శనని మిగతా నగరాల్లో కూడా జరుపుతున్నారు. అన్ని ప్రధాన పట్టణాల్లో కూడా జరిపితే బాగుంటుందేమో. ఎందుకంటే పుస్తకాలు కొనని వ్యక్తులు కూడా ఈ ప్రదర్శనకు వస్తారు.

12/23/2019 - 23:40

1995 సంవత్సరంలో తిరిగి హైదరాబాద్‌కి బదిలీ అయి వచ్చినప్పుడు, ఓ రోజు మా కజిన్ మహేశ్ మా ప్లాట్‌కి వచ్చాడు. వాడి నడుముకి వున్న బెల్ట్‌కి ఓ దీర్ఘ చతురస్రంలో ఓ పరికరం కన్పించింది. కాస్సేపు మాట్లాడిన తరువాత ఏదో శబ్దం వచ్చింది. అది ఆ పరికరాన్ని తీసి అందులోని నెంబర్‌ని నోట్ చేసుకొని ఆ నెంబర్‌కి మా ల్యాండ్ లైన్ ఫోన్ నుంచి ఫోన్ చేసి మాట్లాడాడు. ఆ తరువాత దాని గురించి తెలుసుకున్నాను. అది పేజర్.

12/14/2019 - 23:49

ఉదయానే్న నిద్రలేచి కాలకృత్యాలు తీర్చుకొని వాకింగ్‌కి వెళ్లడం చాలా మందికి అలవాటు. నేనూ అంతే! ఆరోగ్యానికి మంచిదని చాలామంది వాకింగ్ చేస్తూ ఉంటారు. ఇది చాలా శ్రమతో కూడుకున్నది కాదు. సులభంగా రోజూ చేస్తున్న వ్యాయామం.
ఇలాంటి వ్యాయామం మన శరీరానికే కాదు, శరీరంలోని చాలా అవయవాలకి అవసరమే. అవయవాల కన్నా మన మనస్సుకి మరీ ముఖ్యం. ఇది కష్టసాధ్యమేమీ కాదు. సులభమైన ప్రక్రియ.

12/10/2019 - 23:16

భగవంతుడిని అందరూ పూజిస్తారు. ప్రార్థిస్తారు. కోరికలు కోరతారు. బాధ కలిగినప్పుడు నిందిస్తారు కూడా. ఇది సహజం. దేవుణ్ణి ఎలా పూజించాలి? దేవుడిని ఏ విధంగా సంతోషపరచాలి అన్న సందేహం ఆలోచన అందరిలో వుంటాయి.
పాల్ కొహలో ఈ విషయం గురించి ఓ కథ రాశాడు. ఆ కథ పేరు ‘నోవీస్ కథ’
ఆ కథలోని పాత్ర ఓసారి అబ్బట్ మకారిస్ దగ్గరికి వెళ్లి దేవుణ్ణి ఏ విధంగా ప్రసన్నం చేసుకోవాలో చెప్పమని అడుగుతాడు.

11/30/2019 - 23:01

ఈ మధ్య ఇంట్లో పుస్తకాలు సర్దుతుంటే ఓ పాత నోట్‌బుక్ కన్పించింది. 1974వ సం.లో వివిధ పత్రికల్లో వస్తున్న పజిల్స్‌ని ముఖ్య విషయాలని రాసుకున్న పుస్తకం అది. నేను రాసుకున్న చేతివ్రాత, చిన్నచిన్న బొమ్మలు చూస్తూ అలాగే ఎక్కడికో వెళ్లిపోయాను.

11/23/2019 - 23:15

ప్రముఖ దర్శకుడు బి.నర్సింగరావు ఫోన్ చేసి ‘మీకు మన ఆర్టిస్టులు ఎవరైనా ఫోన్ చేశారా?’ అని అడిగారు. ‘చేయలేదు. ఎందుకని?’ అడిగాను.
‘న్యాలపల్లి రాజేశ్వర్ రోడ్డు ప్రమాదంలో చనిపోయాడు. అతని పార్ధీవ శరీరాన్ని వాళ్ల ఊరు తీసుకొని వెళ్తున్నారు’ చెప్పారు.

Pages