ముక్తకాలు
Published Monday, 31 July 2017అన్నదాత కన్నీరు పెడితే
అరిష్టం దేశానికి
పండించే వాడి గుండె మండితే
పస్తులే జనానికి
నీవెన్ని
దేశాలైనా తిరుగు
కన్ననేలను గుండెలో పెట్టుకుంటూనే
నీ వెలుగు
టేస్ట్ చేసి డస్ట్బిన్లో
అన్నాన్ని పడేసేవాడు ఒకడు
అయ్యో పాపం!
ఆ అన్నానే్న ఏరుకుంటూ మరొకడు
కన్పించేదంతా స్వర్గం
అనుకుంటున్న వెర్రివాడా!
చంద్రునిలో కూడా
రాళ్లేనన్న సత్యం తెలుసుకోరా!
ఊకదంపుడు ఉపన్యాసాలకు
కాలం చెల్లింది
ఇవాళ ఎవరి చెవిలో పువ్వు పెట్టలేరు
కాలం మారింది
మానవతా విలువలు
మారవురా పిచ్చి తుగ్లకూ!
ఇలలో అవి శాశ్వతాలు
వెలిగే దీప శిఖలు
ఓటమి
గెలుపునకు సోపానం
ఇది తెలుసుకుంటే
ధైర్యంగా మెట్లెక్కగలం
అద్దంలో అందాన్ని చూచుకొని
మురిసిపోతున్న జవ్వనీ!
ఆ అద్దమే నిన్ను వెక్కిరిస్తుంది
ముసలితనం రానీ.
కాలం నన్ను మేల్కొల్పుతుంది
కావ్యం నాకు ఉపదేశమిస్తుంది
అందుకే కాలానే్న కావ్యంగా
నేను రచిస్తున్నది
వాడు దూరంగా కట్టుకున్న
అంతస్తుల మేడలో
ఏకాకిగా అశాంతిగా
వీడు జనం మధ్య వేసుకున్న
పూరిగుడిసెలో
సంఘ జీవిగా హాయిగా.
*