అమ్మతనం కూడా వ్యాపారమే!
Published Saturday, 2 December 2017కడుపు చీల్చుకు పుట్టే పసిగుడ్డు
నాలుగు మెతుకులను మోసుకొచ్చే వాహకం
పేదరికపు సాలీడులో పురుగులై
నెలల చక్రంలో కొట్టుకుపోతుంటారు
బుక్కెడు బువ్వ, గుక్కెడు నీళ్లు లేని
దేశంలో కరెన్సీకి వేలాడుతున్న శకలాలు
వేరొకరి వంశాంకురపు కలని మెదళ్లలో కుక్కొని
నిశ్శబ్దంగా బతుకు ఈడుస్తారు
కూటి కొరకు కోటి విద్యలు వచ్చో రావో తెలియదు కానీ
గుప్పెడు అన్నం ముద్ద కోసం కడుపులను చీల్చుకుంటున్నారు
కటిక దారిద్య్రం వలలో పడీ గిలగిలా కొట్టుకుంటున్నారు
బతుకు కోసం పోరాడే చేపలా
శరీరం వ్యాపార వస్తువు అయినప్పుడు
మెతుకు పుట్టని గరీబు కడుపులే వారికి మార్కెట్లు
తొమ్మిది నెలల కష్టాన్ని, కన్నీళ్లని ఎవరికో అప్పగించి
దుఃఖం వొడ్డున్న ఎన్నో జీవితాలు విలపిస్తున్నాయి.