గుండెల సవ్వడి
Published Friday, 19 January 2018సృష్టిలో వైవిధ్యం
జీవితంలో వైరుధ్యం
మనస్సుకు మనిషికి మధ్య ఆరాటం
మనిషికి మనుగడకు నడుమ పోరాటం
ఉనికి కోసం ఉబలాటం
కాలంతో నిత్యం పరుగు పందెం
క్షణ క్షణం మారే ఆకాశంలోని
మబ్బుల ఆకృతి లాంటి మనస్సు
అరక్షణంలో ఉరుములు మెరుపులు
గుండెల్లో భోరున వర్షం..
జీవన సంగీతాల గుండెల సవ్వడి
ఆశ నిరాశలు.. ఉచ్ఛ్వాస నిశ్వాసలు
హృదయంలో రెండు అరలు
కవల పిల్లల్లా రాగద్వేషాలు
మనస్సు చుట్టూ మనిషి
మనిషి చుట్టూరా మానవ సంబంధాలు
గుండె ఎప్పుడూ స్పందిస్తూనే ఉంటుంది
స్మృతుల ముసుగులో
మనస్సు దోబూచులాడుతూ ఉంటుంది
దుఃఖం ఆనందం సమతుల్యం
ఆనందంలో తెలుసుకోలేని జీవితం
బాధలో అనుభవంలోకి వస్తోంది
అతిగా ఆనందించినా.. దుఃఖించినా..
తర్వాత శూన్యంతో నిండిపోతోంది
వెక్కివెక్కి ఏడ్చి నిద్రించిన శిశువులా
నిశ్చలమై.. నిశ్శబ్దమే...