పలాయనం
Published Saturday, 16 February 2019![](http://andhrabhoomi.net/sites/default/files/styles/large/public/field/image/oc_13.jpg?itok=rRlQ1J5g)
జీవితంలో ఎన్నో విపత్కర పరిస్థితులు వస్తాయి.
పెళ్లి, విడాకులు, నిరుద్యోగం, పిల్లలు లేకపోవడం, వైఫల్యాలు, ఎడబాటు, ఆర్థిక అవసరాలు, మోసాలు ఇట్లా ఎన్నో చెప్పవచ్చు.
ఎన్ని వున్నా ఆశ వదులుకోకూడదు.
మన ఆరోగ్యం బాగులేకపోవచ్చు. అది కొద్ది రోజులకి బాగుపడుతుంది.
భుజం విరిగిపోవచ్చు. కొద్ది రోజులకి అది అతుకుతుంది.
ఎవరైనా కుంటుతూ వుండవచ్చు. కొద్ది రోజులకి అది కుదుటపడవచ్చు.
ప్రేమలో వైఫల్యం చెంది హృదయం ముక్కలు ముక్కలై పోవచ్చు. ఎవరో వచ్చి సేద తీర్చవచ్చు.
మన కలలు చెల్లాచెదురై పోయి నిరాశకు లోను కావొచ్చు. అవి మళ్లీ మనం సాఫల్యం చేసుకోవచ్చు.
మనల్ని ఎవరైనా గాయపరచవచ్చు. ఆ గాయాల నుంచి మళ్లీ మనం కోలుకోవచ్చు.
కాలక్రమంలో ఏదైనా తిరిగి పొందవచ్చు.
అందుకని-
ఎప్పుడూ తల ఎత్తుకునే వుండాలి.
ఆశామయ దృక్పథంతోనే అడుగు ముందుకు వేయాలి.
మన మీద మనం విశ్వాసం పెంచుకోవాలి.
నిరాశపరిచే వ్యక్తులకి దూరంగా వుండాలి.
ప్రోత్సాహ పరిచే వ్యక్తుల సాహచర్యం కోరుకోండి.
ఆశావహ దృక్పథం వున్న పుస్తకాలు చదవండి.
ఉల్లాసపరిచే పాటలు వినండి.
ఇవన్నీ చేయాలంటే-
మనం జీవితం నుంచి పారిపోకూడదు.
విరిగినా సరే!
పారిపోకూడదు. పలాయనం చేయకూడదు.
అంతే!