కండిషన్స్ అప్లైడ్
Published Saturday, 30 March 2019మనుషులంతా
శతవసంతాల
భరోసాగా ఉక్కుమనుషులే
కండిషన్స్ అప్లైడ్
జీవితము బుద్బుద ప్రాయము
సంతోషాలకు నోరు తీపి చేసుకుందాం
కండిషన్స్ అప్లైడ్
చక్కెర వ్యాధి మహమ్మారి
తినగతినగ వేము తియ్యనగును
బహుపసందైన విందు భోజనము
మద్యమాంసాలు - జంక్‌పుడ్ తయారు
కండిషన్స్ అప్లైడ్
ఆరోగ్యకరమైన జీవితానికి
మొలకెత్తిన విత్తనాలు
కాషాయ సేవనము శ్రేష్టము
విల్లాల జీవితం
రాజభోగము - విలాసవంతము
కండిషన్స్ అప్లైడ్
ప్రకృతి విపత్తులను
ధీటుగా ఎదుర్కోవాలంటే
గుడారాల జీవితం అనుసరణీయము
పౌష్టికాహారానికి
పాలూ పండ్లు శ్రేష్టమైనవి
కండిషన్స్ అప్లైడ్
ప్రాణాంతక డిటర్జెంటులు
విష రసాయనాల మాగిన పండ్ల - పాలు
ఉగ్రవాదం కంటే ప్రమాదకరములు
ఎవరెంతో తేల్చుకుందాము రండి
కండిషన్స్ అప్లైడ్
ఆగ్రహావేశాల అణచివేతకు
ఉప్పు సత్యాగ్రహము మేలు
జ్యోతిష - వాస్తు - సాముద్రికాలు
మీ కష్టాలు చిటికెలో మాయం
కండిషన్స్ అప్లైడ్
ఆత్మవిశ్వాసానికి మించినది లేదు ఉండదు
మనిషి తన ఇష్టానుసారం
కాంక్రీట్ జంగిల్‌లో ఉండవచ్చు
కండిషన్స్ అప్లైడ్
ప్రాణవాయువు పుష్కలంగా అందాలంటే
తిరిగి ప్రకృతిలోకి వెళ్తే బాగుంటుంది
మనిషి సిక్స్ ఫీట్స్ - సిక్స్ ప్యాక్
కండిషన్స్ అప్లైడ్
మిల్లీమీటరు దోమ కూడా
డెంగ్యూతో
శరీరాన్ని కుప్పకూల్చవచ్చు