మధుర బాధ
Published Saturday, 21 May 2016ఫలాన్ని ఇచ్చే తరువుకే రాయిఘాతం
ఆహ్లాదాన్ని ఇచ్చే ప్రకృతి మీదే శరాఘాతం
మనిషి ఎదుగుదలలో వైపరీత్య ధోరణి
క్షుద్బాధ తీరేందుకే అవిరళ కృషి
నాడు పొత్తిళ్లలో వొదిగిన పేగుబంధం
క్షీరధారకై కుమ్మిన తరుణం
గులాబీ గుద్దులు విస్మరించింది మాతృత్వం
అనుభూతి మేఘం పిండనిదే వాత్సల్యం వర్షించదు
గోరుముద్దలకై చెలరేగిన చిలిపి గారాబం
ముద్దుగా మారాం చేయడం శైశవత్వం
పంటి మధ్య ఆప్యాయత నలగటం అకృత్యం
అమ్మ చరిచిన ఘటన దిక్కులు పిక్కటిల్లే
లాలపోసినాక జోలాలికే నిద్రాణం
లేదంటే నిర్ణిద్రగానం
కొంగు నడక నేర్పిందంటే బ్రహ్మజ్ఞానం
కొంగు నడత మార్చిందంటే విడ్డూరం
మమకారం పధ్నాలుగు భువన బాంధంబుల కతీతం
కర్కశం జనించి తపన తెరదీసింది
తపన పరిఢవిల్లగా కరడు పురుడు పోసుకుంది
శుష్కించిన అనురాగం ఆశ్రయంగా ఓ ఆశ్రమం
ఎప్పటి పాల ఋణమో ఇప్పటికిది కాలకూట సమం
కన్నీటి పారదర్శకం వెనుక కనికరం
నిర్విరామంగా.. నియంతృత్వంగా.
*