బళ్లారి, జూలై 21 : తుంగభద్ర జలాశయం నుంచి గురువారం మధ్యాహ్నం ఎల్లెల్సీకి నీరు విడుదల చేశారు. ఈ సందర్భంగా అధికారులు మాట్లాడుతూ నేడు హెచ్చెల్సీకి నీరు విడుదల చేస్తామన్నారు. ఎల్లెల్సీకి సంబంధించి గంటగంటకూ 100 క్యూసెక్కులు పెంచుతూ గరిష్టంగా 1300 క్యూసెక్కులు నీరు విడుదల చేయనున్నట్లు తెలిపారు. గురువారం జలాశయంలో 1612.41 అడుగులు, 40072 టిఎంసీలు నీరు నిల్వ ఉన్నట్లు తెలిపారు. ఈ కార్యక్రమంలో ఇంజినీర్ రంగారెడ్డి, బళ్లారి ఎగ్జిక్యూటివ్ ఇంజినీయర్ విశ్వనాథరెడ్డి, శశిభూషణరెడ్డి, మల్లికార్జున, శివన్న, ప్రసాద్ తదితరులు పాల్గొన్నారు.