వాన
Published Friday, 12 August 2016వాన
బాట రెమ్మకు గొడుగు పూలు
గొడుగు పూలపై ముత్తెపు చినుకులు
వాన
రైతు గుండెలో ఆనందపు చెలక
ఆనందపు చెలకన తలెత్తి ఆకుమడి
వాన
పిల్లల మనసంతా మొలిచే రెక్కలు
మొలిచిన రెక్కల తడుస్తూ సీతాకోకచిలుకలు
వాన
చెట్లను కౌగిలించుకున్న చిరుసవ్వడులు
చిరుసవ్వడుల జాలువారుతూ పచ్చదనం
వాన
పొదువుకుంటూ, పరిమళిస్తూ నేలతల్లి
నేలతల్లి ఒడిలో పసిపాపలా ఆడుతూ
వాన