ఎలుకలా కన్పించే ఈ క్షీరదం పేరు ‘ఎలిఫెంట్ ష్రూ’. వీటికి ఉండే పొడవైన నాసిక వల్ల ఆ పేరు వచ్చింది. జన్యుపరంగా అవి ఎలుకలు, ట్రూ ష్రిల్ జాతికన్నా ఏనుగులకు దగ్గరివిగా చెబుతారు. పెద్దకళ్లు, విశాలమైన చెవులు, పొడవైన వెనుక కాళ్లు, ఒతె్తైన బొచ్చు వీటి ప్రత్యేకత. ఇవి ఉండే బొరియల నుంచి విభిన్నమైన మార్గాలను (కాల్వల్లా) తవ్వుతాయి. ఆ దార్లలో తిరిగే కీటకాలను తింటాయి. ప్రమాదం ఎదురైతే ఏదో ఒకదారిలోంచి తప్పించుకుంటాయి. ప్రమాదం ముంచుకొస్తే కుందేళ్ల మాదిరిగా గెంతుతూ పారిపోతాయి. ఒక్కోసారి అవి మూడడుగుల ఎత్తు వరకు ఎగరగలుగుతాయి. అందుకే వీటిని ‘జంపింగ్ ష్రూ’ అని కూడా పిలుస్తారు.