మేఘం ఉరిమింది
Published Saturday, 5 November 2016మేఘం ఉరిమింది
మెరుపు మెరిసింది
కురిసింది జడివాన
అడవి తల్లి గుండెల్లో
ఉప్పొంగిన వాగులు
అడవి బిడ్డలు జబ్బు బారిన
రవాణా మృగ్యం
వైద్యం దూరం
కావడి మంచంలో రోగుల మోత
సుదూర పయనం
నడక
సమయానికి చేరితే
ఊపిరి దక్కు
లేనిచో ప్రాణం పోయే
పసిబిడ్డకి జ్వరం
చేసిన నాటు వైద్యం పారలే
పాలిథిన్ సంచిలో బిడ్డ
తడవకుండా
బిడ్డ రక్షణ తండ్రి కర్తవ్యం
వసుదేవుడిని మించిన సాహసం
పీకల్లోతు వాగు నీటిలో
నెత్తిన బిడ్డ
వాగు లోతుపాతులు తండ్రికెరుక
అడుగు తీసి అడుగు
కడు జాగ్రత్తగా
నీటి ప్రవాహ అంచనాలో
తండ్రి సివిల్ ఇంజనీర్
బంధుమిత్రుల దీవెనలతో
వాగుని జయించి
ఆసుపత్రికి బిడ్డను చేర్చిన
తండ్రి
నాన్న పదానికే
సరికొత్త నిర్వచనమీ తండ్రి!!
పాలకుల అభివృద్ధి నినాదాల హోరుకి
సజీవ సాక్ష్యాలు
అడవి బిడ్డల ఆక్రందనలు *