లవ్‌లో ఫెయలైతే ఏం చేస్తాం. అమ్మాయలైతే జ్ఞాపకాలు గుర్తు చేసుకుని బాధపడతారు. అబ్బాయలైతే పెగ్గేసుకుని దేవదాసులవుతారు. ఇది రొటీన్. కానీ బాలీవుడ్ ముద్దుగుమ్మ ఆలియాభట్ మాత్రం... ఎంచక్కా ఎంజాయ్ చేస్తుందట. విహార యాత్రలకు వెళ్తుందట! ఈ విషయాన్ని ఆమె స్వయంగా చెప్పింది. చిన్నతనంలోనే హీరోయిన్‌గా ఎంట్రీ ఇచ్చిన ఈ అమ్మడు సిద్ధార్థ్ మల్హోత్రాతో ఘాటు ప్రేమాయణం సాగిస్తుంది. ఈమెకు ప్రేమలో పడటం ఇప్పుడు కొత్తేమీ కాదు. కాలేజీ రోజులనుండి చాలాసార్లు ప్రేమలో పడి, బ్రేక్‌అప్ కూడా అయిందట! టీనేజ్‌లో సాగించిన ఆ ప్రేమాయణాలు, విఫమైనప్పుడు ఆ బాధను మరచిపోయేందుకు ఫ్రెండ్స్‌తో కలిసి విహారయాత్రలకు వెళ్ళేదట. ఆ బాధను తలచుకుంటూ ఇంట్లో కూర్చుంటే ఎలా.. అందుకే దాన్ని మరచిపోవాలంటే ఇలాచేయడం కరెక్ట్ అని సలహా కూడా ఇస్తోంది.