విజయనగరం, జూలై 29: జిల్లా కలెక్టర్ వివేక్ యాదవ్ శుక్రవారం పట్టణంలోని పైడితల్లి అమ్మవారి దేవాలయాన్ని దర్శించుకున్నారు. కలెక్టర్‌గా బాధ్యతలు చేపట్టడానికి శ్రీకాకుళం నుంచి విజయనగరం చేరుకున్న ఆయన మొదట పైడితల్లి అమ్మవారిని దర్శించుకుని ప్రత్యేక పూజలు జరిపారు.

విజయనగరం(టౌన్), జూలై 29: వనం మనంలో పట్టణ ప్రజలు కుల, మతాలకు అతీతంగా పాల్గొని మానవాలి మనుగడకు జీవనాధారమైన మొక్కలు విరివిగా నాటారు. వనం-మనంలో అందరూ పాల్గొనాలని ప్రభుత్వం సూచనతో శుక్రవారం పట్టణ పరిధిలో పలు సంస్ధలు, విద్యార్థులు ప్రభుత్వ సిబ్బంది మొక్కలు నాటే కార్యక్రమంలో ఉత్సాహంగా పాల్గొని విజయవంతం చేశారు.

హిందూపురం, జూలై 29 : రాష్ట్ర విభజనతో పూర్తిగా చతికిలబడ్డ కాంగ్రెస్ పార్టీని వచ్చే ఎన్నికల్లోగా రాష్ట్రంలో బలోపేతం చేసేందుకు పిసిసి చీఫ్ రఘువీరారెడ్డి తనదైన శైలిలో పావులు కదుపుతున్నట్లు తెలుస్తోంది. ముఖ్యంగా సొంత జిల్లా అనంతలో కాంగ్రెస్ పరిస్థితి చక్కదిద్దేందుకు ప్రత్యేక దృష్టి సారిస్తున్నట్లు సమాచారం.

మడకశిర, జూలై 29 : ఐదు రోజులుగా కురుస్తున్న వర్షాల వల్ల మండలంలోని చిన్న చెరువుకు గండి పడింది. దీంతో రైతులు తీవ్ర ఆందోళనకు గురవుతున్నారు. భారీ వర్షాల కారణంగా పలు చెక్‌డ్యాంలు, నీటి కుంటలు నిండగా వంకలు, వాగులు పొంగి పొర్లుతున్నాయి. హరేసముద్రం చిన్న చెరువు కింద ఉన్న ఆయకట్టదారులు చెరువులో నీరు లేకపోయినా వర్షాలతోనైనా దిగుబడులు వస్తాయని మొక్కజొన్న, రాగి వంటి పంటలు సాగు చేశారు.